Elim Tehuis besoek De Kelders tuine

Een van Elim Tehuis se twee groepe personeellede tydens hulle besoek aan Albert en Marie Potgieter van De Kelders se “Fantasie Tuin”

Twee groepe personeellede van Elim Tehuis het onderskeidelik op 28 November en 5 Desember twee van De Kelders se bekende tuine besoek.

Eers het hulle Albert en Marie Potgieter se “Fantasie Tuin” besoek en daarna was Coenie en Christa se “Plaastuin” aan die beurt. In ‘n bedankingsbrief spreek Elim Tehuis se Direkteur, Lesinda Cunningham, haar opregte waardering uit vir die toegelate besoeke en meld dat die personeellede die besoeke as ‘n groot voorreg beskou het en dit baie geniet het. Altwee hierdie egpare het in die verlede al verskeie pryse tydens Overberg Agri se jaarlikse Tuinkompetisies verower. Onlangs is Albert en Marie weer as 2013 se “Waterwise Garden”-wenners van die 2013 Overberg Agri Tuinkompetisie aangewys.

Hardus Botha