Voor vlnr is Raymond Coetzee, Johandré Scholtz en Andrika Coetzee. Agter hulle vlnr is Kim Megan Barker, Kristin McCallum en Lynette Prinsloo, met agter vlnr Edna van der Linde, Koekie Joubert en Busisiwe Mtatase
Gansbaai Biblioteek het vanjaar weer hulle jaarlikse Inkleurwedstryd van stapel gestuur. Die tema was Gansbaai Biblioteek Kersfees. “Ons het vier Kersprente vir die deelnemers uitgedruk en hulle kon self kies watter een om te gebruik,” vertel Edna van der Linde van Gansbaai Biblioteek. “Ons het pragtige ingekleurde prente ontvang en sê baie dankie aan elkeen wat ingeskryf het. Ons hoop om volgende jaar veel meer inskrywings te ontvang, want dit is heerlike pret vir die kinders.” Met die pragtige inkleurwerke wat ingedien is, is besluit om al die deelnemers as wenners te bekroon. Elkeen van hulle het ‘n geskenksakkie met ‘n boekie, ‘n boekmerk en ‘n pakkie lekkers ontvang.
Hulle is (alfabeties) Andrika Coetzee, Johandré Scholtz, Kim Megan Barker, Kristin McCallum, Lara Strydom, Lua Venter, Lynette Prinsloo, Mia Smith, Mia Venter, Nina Strydom en Raymond Coetzee. Almal kon ongelukkig nie tydens die fotosessie teenwoordig wees nie, terwyl Mia Smit se ouma, Koekie Joubert, Mia se prys in ontvangs geneem het. Gansbaai Biblioteek se vriendelike en behulpsame personeel bestaan uit Sharman Geldenhuys (Bibliotekaris), Zelda Fourie, Edna van der Linde en Busisiwe Mtatase.
Hulle gerieflike bedryfsure is Maandae tot Vrydae vanaf 09:30 tot 17:30 en hulle kan by 028-384-8300 vir navrae gekontak word.
Hardus Botha
