Die plaaslike klub het Maandagaand sy nuwe bestuurslede gekies. Die vergadering wat in 'n goeie gees gehou is kon toe 'n verkiesing hou sonder enige vertragings. Ons wil tog net 'n beroep doen aan ons medespelers in die dorp dat daar vakante poste beskikbaar gestel is vir enigeen wat belangstel om op die bestuur te wil dien. Ons wil graag 'n nie-rassige bestuur hê. Daarom nooi ons julle om deel te kom word van die bestuur. Aansoek kan ook ingedien word vir afrigtersposte vir eerste tot derde span voor Dinsdagaand se bestuursvergade-ring om 18h00.
Die nuwe bestuur is:
Mnr John Jacobs (Voorsitter)
Mev Suzaan Hans (Sekretaresse)
Mnr Willem Slabbert (Kassier)
Mnr Mike Dunsdon (Addisioneel)
Mnr Andre Felix (Addisioneel)
Vakante poste is: Onder-Voorsitter, Sekretaris, Hulp-kassier, Span bestuurder, Afrigters en Keurkomitee.
Indien u belangstel in enige van die poste kontak die voorsitter Jacobs vroegtydig. Ons nooi ook besighede in die dorp uit om saam met die klub 'n vennootskap te bou en so die sport te help ontwikkel. Dra by tot die bevordering en ontwikkeling van ons dorp se kinders.
Vir enige navrae kan John Jacobs geskakel word by 028 384 2241 / 073 117 5845.
