OBK mag maar spog

OBK mag maar spog

Gansbaai Courant

Anton Kriel van die Overberg Boothengelklub met sy yslike Steenbras (8kg)

Die Overberg Boothengel-klub (OBK) het tydens hulle eerste boothengelkompetisie vir 2014 op 18 Januarie uitstekend gevaar.

“Ons het die jaar met ‘n interklubkompetisie tussen die OBK en die Birkenhead Boothengelklub (BBK) afgeskop, die eerste van 5 soda-nige kompetisies,” vertel Riaan van Staden van OBK. “Die weer was goed en die vangstes nog beter.” Die bemanning van die 10 bote wat uitgevaar het, het die dag terdeë geniet, asook die gesellige saamkuier by die inweegskaal.

“Die manne is vroegdag, 6-uur, see toe en ek verstaan daar was van die skippers wat baie rondgevaar het en dit was moeilik vir sommiges om 1kg visse te kry.” Lyne is teen 16:00 op-getrek en die skaal was reeds vanaf 15:00 beskikbaar. Riaan sê hulle was verras deur die aantal mooi Wit Steenbras wat ingeweeg is, veral toe Bev Swart van die BBK sy Wit Steenbras van 5.3kg eerste kom inweeg wat hulle die voortou laat neem het. Daarna het die Birkenheaders ‘n Roman van 1.35kg en ‘n Kabeljou van 1.8kg skaal toe gebring, maar hulle voorsprong is daarna verbygesteek.

Die OBK se twee knap juniors het kom inweeg: Werner van Zyl met ‘n Hottentot (1.1kg), Divan Burger met ‘n Geelbek (3.75kg) en Christof Dahl met ‘n Steenbras (4.65kg). Die top boot was Marne met skipper Wayne Middelton. Sy bemanning het 4 spesies gevang: 3 Gurnets, 1 Geelbek (2.25kg) en ‘n Steenbras (5.0kg). Eric Dahl het ‘n 4.2kg Steenbras ingeweeg, Lukas Holtzhau-sen en Gert du Plessis elk ‘n Hottentot en ‘n Kabeljou, met Amanda van Staden wat ook ‘n stewige Hottentot ingeweeg het.

“Toe kom daar die groot een,” sê Riaan. “Anton Kriel stap nader met net een vis in sy visbak - ‘n allemintige Wit Steenbras van 8.0kg!” Gelukkig kon die hengelaars darem ná so ‘n lang en bedrywige dag op see iets te ete kry, asook ‘n “koeligheid” vir die keel om die dag mee af te sluit. “Dankie aan almal se deelname wat tot die sukses bygedra het en dit was lekker om almal daar te sien.”

Die volgende gesamentlike kompetisie is eers weer in April, waar almal by die BBK sal aanmeld. OBK se volgende kompetisie is op 8 Februarie te Struisbaai. Navrae rakende die OBK kan aan Riaan van Staden by 082-929-8688 gerig word.

 Hardus Botha

OBK mag maar spog

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Big 5 Tours  - 18 January 2018

Marine Big 5 Tours - 18 January 2018

We had two trips out today, one in the late morning on our smaller vessel Whale Whisperer, and second on Dream Catcher...

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Hoe om die risiko van borskanker te halveer

Hoe om die risiko van borskanker te halveer

Statiene halveer die risiko van borskanker en verhoog oorlewingsvooruitsigte.

Gansbaai Pharmacy
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

See All Articles