Vrydae se Woekermark was sommer op die eerste Vrydag vir 2014 hoogs bedrywig met ‘n gesaamkuier dat hoor en sien vergaan. Hierdie gewilde mark, nou reeds is sy 7de bestaansjaar, het lankal reeds ‘n gewilde en gesellige kuierplek onder vriende en familie geword. Die Pretoriussaal was van vroeg af volgepak vir ‘n teetjie of koffietjie saam met ‘n lekker soetigheid en pannekoek om die gesellige saamkuier nog meer gesellig te maak. In die agtergrond is welbekende Eddie Barnard steeds warm aan die gang met sy sleutelbord en “goue oue” stembande, ongeag van bietjie gesondheidsprobleme wat hy ondervind het. Vrydae se Woekermark begin elke Vrydag om 09:00 in die Pretoriussaal en dit beteken net een ding: gesellig saamkuier met vriende en familielede.
Vir enige navrae kan Francia van Dyk by 028-384-0262 of 082-551-3613 gekontak word.
Hardus Botha
