.jpg)
Die 2014 Gansbaai Besigheidsliga het op 4 Februarie begin. Twintig spanne ding in 5 seksies op 'n rondomtalie formaat teen mekaar mee.
Die wenners van elke seksie sal teen mekaar speel om die kampioen te bepaal en dié span sal dan weer teen die wenspanne van die ander besigheidsligas in die Boland uitspeel om die Boland kampioen te bepaal. Verlede jaar was Omega van Gansbaai (Franskraal) die algehele wenner en kampioen.
Die eerste rondte het met groot geesdrif begin. Die atmosfeer was gesellig en die rolbal wat gespeel is verbasend goed. Kleurvolle T-hemde met interessante name daarop soos Mafokkies (wat dit ook al beteken!), Incredibowls en Rooi Rosies het bygedra tot die plesierigheid.
Die voorlopers in elke seksie na die eerste wedstryd is soos volg:
Seksie 1 – Great White Sharks (Mans) – 2+18
Seksie 2 – Academia – 2+13
Seksie 3 – L&S Motors – 2+5
Seksie 4 – Lumber City – 2+16
Seksie 5 – Great White Sharks (Dames) – 2+3
As ‘n mens sien hoe hierdie deelnemers die spel en mekaar geniet, dan besef jy watter wonderlike aktiwiteit rolbal is om mense bymekaar te bring. Enigiemand wat belangstel kan gerus die moeite doen om te kom kyk op Dinsdae vanaf 18h00.
Pieter Conradie
