Minister tevrede

Minister tevrede

Gansbaai Courant

Good Friday (2de van links) verduidelik die bouproses van Masakhane se nuwe laerskool aan minister Donald Grant (regs)

Die Minister van Onderwys in die Wes-Kaap, mnr Donald Grant, het Overstrand besoek om homself van veral die prestasies van nuwe skole te vergewis.

Gansbaai Academia is eerste besoek, waar hy die skoolhoof, mnr Tommy Wilson, ontmoet het. Hy het die skool eerstens gelukgewens met hul verbeterde matriekuitslae die afgelope jaar. “Ek het die skool se uitslae met die minister bespreek en hy was duidelik beïndruk daarmee,” het mnr Wilson gesê. “Hy was ook beïndruk met die feit dat dit ons tweede matriekjaar was en het die vermeerdering in universiteits-toelatings as skitterend beskou.” Die minister het mnr Wilson gevra om die getalle in Wiskunde en Fisiese Wetenskap verder te verhoog. “Hy het ook sy trots uitgespreek met Bianca se prestasies en haar toelating tot KOVSIES, asook Michelle le Roux wat tans op ‘n uitruilprogram in Frankryk is,” het mnr Wilson voorts gesê. “Ek het hom verder verseker dat ons na ‘n 100% slaagsyfer in 2014 strewe, asook ‘n verdere styging in universiteits-toelating.”

Daarna het die minister die Gr 10 Gasvryheidstudie-klas van me Anneri Harding-Male besoek. “Julle moet hierdie fantastiese geleenthede ten volle benut om julself vir die toeko ms te bekwaam,” het mnr Grant vir die leerders gesê.

Daarna is die minister deur rdh Pieter Scholtz, mnr Mike Walters (LPP) en raadslede Moira Opperman en Ndevu na Masakhane Primary School vergesel, waar hy met die waarnemende skoolhoof, me Mali, gesprek gevoer het. Sy hoofdoel met hierdie besoek was die besigting van die nuwe laerskool in Masakhane wat in aanbou is. Die minister wou summier weet waarom die bouprojek, wat teen einde Julie afgehandel moet wees, sowat 2½ maande agter skedule is. Die persoon in beheer, Good Friday, het verskeie redes daarvoor aangevoer, maar die versekering aan die minister gegee dat die agterstand uitgewis sal word.

Rdh Scholtz het die Minister versoek om te help sodat die tydelike geboue, of ‘n deel daarvan, wat tans as laerskool in Masakhane dien, vir die Overstrand behoue te laat bly. “Daar is ‘n groot behoefte aan geskikte akkommodasie vir die ontwikkeling van kleuters,” het rdh Scholtz gesê. Oorkoepelend het die minister sy tevredenheid met die gesprekvoeringe tydens sy besoek aan Gansbaai uitgespreek.                                       

Hardus Botha

Vlnr is rdh Pieter Scholtz, mnr Mike Walters, me Anneri Harding-Male en mnr Tommy Wilson saam met minister Donald Grant wat gemoedelik en motiverend met die Gr 10 gasvryheidstudie-leerders van Gansbaai Academia gesels het

Vlnr is rdl Moira Opperman, mnr Mike Walters, me Mali (skoolhoof), minister Donald Grant, rdl Ndevu en rdh Pieter Scholtz tydens die minister se besoek aan Masakhane Primary School

Minister tevrede

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Dynamics Receives Award at World Travel Market in London

Marine Dynamics Receives Award at World Travel Market in London

South Africa and Gansbaai remained in the spotlight at the World Travel Market London 2017.

November colour is green - #GansbaaiInColour

November colour is green - #GansbaaiInColour

Share your moment and win #GansbaaiInColour.

Bou aan vrede en versoening

Bou aan vrede en versoening

Almal is moeg vir geweld in ons land. Bid vir vrede

NG Kerk Gansbaai
Earning our colours, a quick guide to our age

Earning our colours, a quick guide to our age

This is a quick guide to assist you with African penguin age identification tips.

Flying High: Win a Vulture Experience for Two with De Hoop Collection!

Flying High: Win a Vulture Experience for Two with De Hoop Collection!

The Vulture Experience is the newest and most exciting addition to the already jam-packed activity list that the De Hoop Nature Reserve has to offer. De Hoop Collection is currently running a competition offering an educational and sought-after bi...

De Hoop Collection
New Beginnings

New Beginnings

Restoration of an eyesore into an innovative residence.

See All Articles