Groot opgewondenheid oor Marimbas
Die 22e Februarie is die amptelike verjaarsdag van Academia en vanjaar is die skool ‘n volle vier jaar oud. Die prestasies en hoogtes wat die skool behaal het in die kort tydjie is voorwaar uitnemend. Die skool het bo verwagting gegroei en daar word tans drie nuwe klaskamers aangebou. Die skool se twee matriek klasse van 2012 en 2013 het almal verstom deur ‘n slaagsyfer in die negentigs. Vanjaar se matriekklas is die eertse graad agts wat die skool ingeneem het en die eerste volle siklus is voltooi.
Die skool se verjaardag is tradisioneel gevier met die registerklasse wat hul klaskamers se deure opgemaak het en heerlik partytjie gehou het.
Academia het ‘n groot skenking gekry van vier marimbas. Die leerders is baie opgewonde oor die nuwe na-skoolse aktiwiteit wat by ‘n alreeds wye verskeidenheid gevoeg is. Die leerders wat in Gansbaai Primêr marimbas gespeel het, het dadelik die skool vermaak met hul vernuftigheid mqet die instrumente. Die personeel is net so opgewonde en daar word werk gemaak om ook ‘n personeel orkes op die been te bring.
Liezel Mostert
