Die komitee vir 2014 is verkies en is as volg : Die BBV van Franskraal het ten doel om as skakel te dien tussen inwoners en die plaaslike owerheid en waar nodig die behoeftes van inwoners en tekortkominge in dienste deur die plaaslike owerheid,onder die aandag van die munisipaliteit te bring. Die BBV is dus ‘n saamstaan aksie en alle inwoners van Franskraal word hartlik uitgenooi om by die vereniging aan te sluit. Jaarlikse ledegeld beloop R40 p.p en hoe groter ons ledetal is, hoe meer word die komitee bemagtig om verteenwoodigend van almal te wees. Inwoners word uitgenooi om enige probleme by enige van die onderskeie lede aan te meld.
Projekte vir 2014: Begrotingsaangeleenthede en munisipale heffings; Strate en sypaadjie onderhoud en Melkhoutwandelpad en die voëluitkyk in Juliastraat.
Vir ‘n hele aantal jare is die Groot Melkhoutwandelpad ‘n trotse bewarings projek van Franskraal en is daar baie gedoen om die wandelpad te verbeter en meer aantreklik vir besoekers te maak. Ons beoog om nog meer verbeterings aan te bring en ook meer inligting aangaande die bome en plante vir wandelaars beskikbaar te stel. Onlangs het die munisipaliteit ‘n houthut aan die rand van die vlei opgerig om as ‘n voëlkykskuiling te dien. Die ontwikkeling van dié nuwe toevoeging tot ons omgewing is egter die komitee se verantwoordelikheid en ons het reeds samesprekings met mnr. Peter Hochfelden van die Stanford Bird Club gevoer om te bepaal hoe ons die projek gaan aanpak. Hulle hulp en kennis is baie belangrik en ons sal beslis plaaslike insette ook waardeer.
Frankraal BBV wil sy opregte dank aan die Stadsraad, Mnr Kat Myburg en personeel uirspreek vir die uitmuntende diens wat gelewer word. Ten spyte van moeilike tye word ons dorp en woongebied altyd skoon en netjies gehou en is dit ons trots om die lofprysing van vakansiegangers en besoekers, aan te hoor.
Vir vedere inligting besoek ons webwerf www.franskraalratepayers.com
