Rina is Saterdag, 15 Maart na 'n lang siekbed oorlede. Rina sal lank onthou word vir haar vrygewigheid in die gemeenskap.
In 2006 help sy die Gansbaai Duiweklub op die been, vandag nog pluk die klublede die vrugte daarvan. Rina het baie donasies aan verskillende instansies gegee en was 'n groot borg van Laerskool Gansbaai se Kreefderby.
Herberg-aan-See se mense praat nou nog van die Kersgeskenke en Kersete wat Rina vir hul gehou het. Sy het die minder bevoorregte kinders van Gansbaai en omgewing 'n wonderlike Kersboom met geskenke en eetgoed gegee. Rina het die sopkombuis in Blompark gehelp met kos en komberse in die winter aan minder bevoorregtes geskenk. Sy het onder andere vir Lynette van Wyk gehelp deur vir haar heupvervanging te betaal.
Rina sal gemis word deur haar familie en vriende. Mag sy nou in vrede rus.
Ons innige simpatie en medelye aan die kinders, kleinkinders en familie van mev Rina Rock. Sy was die afgelope paar jaar ‘n getroue ondersteuner van Laerskool Gansbaai en ons gaan haar teenwoordigheid beslis mis.
Skoolhoof & Personeel, Laerskool Gansbaai
