Senior burgers slaan munt uit hul gesinshuise

Senior burgers slaan munt uit hul gesinshuise

Gansbaai Courant

Met lewenskoste wat aanhou styg en 'n groot hap uit aftreefondse neem, ontsluit senior burgers in talle van SA se gevestigde voorstede waarde in hul groot gesinshuise - nie deur dit te verkoop nie, maar deur dit te verhuur en dan self kleiner verblyf huur wat makliker is om te behartig. 

"Dié nuwe tendens maak sin vir ouer huiseienaars wie se kinders reeds uit die huis uit is en wat beplan om weens sekuriteit of makliker onderhoud van eiendom af te skaal, of straks omdat hulle hul inkomste wil aanvul," sê Harcourts Real Estate se Richard Gray.  "Sulke eienaars het gewoonlik 'n baie klein uitstaande verband of die eiendom is ten volle afbetaal en hulle kan dus aansienlike huurinkomste vir gesinshuise met drie of vier slaapkamers in gesogte of sentrale woonbuurte verdien, veral in die heersende mark waar huurvraag sterk is en tekens van verdere groei toon."  Eienaars behou die eiendom as 'n finansiële bate en as hulle gelukkig is, sê hy, is daar straks 'n woonstel of kothuis op die perseel waar hulle "gratis" kan woon terwyl hulle 'n inkomste uit die gesinshuis verdien. 

"Andersinds teiken hulle gewoonlik huurwoonstelle of meenthuise in veilige woonkomplekse, waar onderhoud aan die eiendom nie hulle verantwoordelikheid is nie en hulle die deur agter hulle kan sluit as hulle wil gaan kuier of reis. En die maandelikse huurgeld vir sulke eenhede word gewoonlik ruim deur hul huurinkomste gedek wat meebring dat hulle ietsie ekstra in die sak het." 

Dis net nog 'n voorbeeld, sê Gray, hoe huisbesit welvaart kan help skep en verbruikers talle voordelige finansiële keuses kan gee. "Die feit dat talle middeljarige mense hulself nou as finansieel onafhanklik beskou, is inderdaad te danke daaraan dat hulle vroeg in hul lewens huise gekoop het en verbande so gou as moontlik afbetaal het." 

Die nuwe tendens hou terselfdertyd voordele in vir jong gesinne wat graag in gevestigde voorstede met goeie skole, winkels, vermaak, sportgeriewe en openbare vervoer op hul drumpels wil woon maar wat dit nie kan bekostig om 'n eie gesinshuis in so 'n buurt te koop nie. 

"Deur eiendom in 'n sentrale woonbuurt te huur wat tyd en geld aan vervoer spaar is die kanse soveel beter dat hulle 'n deposito bymekaar kan maak om eendag 'n eie huis van hul eie te koop."

Senior burgers slaan munt uit hul gesinshuise

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Big 5 Tours  - 18 January 2018

Marine Big 5 Tours - 18 January 2018

We had two trips out today, one in the late morning on our smaller vessel Whale Whisperer, and second on Dream Catcher...

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Hoe om die risiko van borskanker te halveer

Hoe om die risiko van borskanker te halveer

Statiene halveer die risiko van borskanker en verhoog oorlewingsvooruitsigte.

Gansbaai Pharmacy
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

See All Articles