Onderskeidelik links en regs is Salmon Herselman en Thys Fourie elk met ‘n mooi Makriel, met Salmon wat ook sy pragtige Rooi Roman vertoon
Die Birkenhead Boothengelklub se boothengelaars voel heel tevrede met hulle onlangse maandelikse boothengel-kompetisie - “behalwe dat die see so stil was dat ons eintlik op ‘n dam visgevang het,” was die eenparige kommentaar wat gelewer is. ‘n Mooi aantal bote (5) het ingeskryf en al 5 het ingeweeg, met ‘n totale bemanning van 14 wat deelgeneem het, insluitend 2 dames.
Nege verskillende spesies is ingeweeg en die totale aantal vis wat ingeweeg is, was 130 met 'n totale massa van 90.15kg, wat ‘n gemiddeld van 6.44kg per hengelaar beteken. Volledige uitslae is soos volg: Swaarste vis, De Wet Giliomee (Rooi Roman - 2.1kg); 2de Swaarste vis, Johan Burmeister (Rooi Roman - 1.9kg); Swaarste sak, Johan Burmeister (5 spesies - 11.20 punte); 2de Swaarste sak, Jean Downing en De Wet Giliomee (2 spesies - 9.68 punte); Swaarste bootgemiddeld, Relêks 2 van Jean Downing (4 spesies - 10.76 punte); 2de Swaarste bootgemiddeld, Nu Nu van Johan Burmeister en Gawie Krugel (5 spesies - 9.98 punte); Dame Swaarste sak, Dixie Walsh (2 spesies - 9.41 punte). Die 1ste 3 voorlopers in die onderskeie kategorieë is: Bootkampioene - Nu-Nu van Johan Burmeister en Gawie Krugel (27.80 punte); Relêks 2 van Jean Downing (22.76 punte); Laura 2 van Raymond Rabe (18.07 punte). Mans Visvangkampioene - Johan Burmeister (27.39 punte); Jean Downing (20.88 punte); Salmon Herselman (19.33 punte); Dames Visvangkampioen - Dixie Walsh (14.86 punte). Kennis moet geneem word dat boothengelkompetisies nie meer noodwendig op die 1ste Saterdag van elke maand plaasvind nie.
Die volgende boothengelkompetisie is vir 24 Mei 2014 geskeduleer, insluitend die gebruiklike en gesellige aandfunksie. Dan word ‘n gesellige Moedersdagete vir Sondag, 11 Mei beplan, wat nie misgeloop moet word nie. Kompetisienavrae kan aan Johan Burmeister, wedstrydsekretaris, by 082-895-7647 gerig word en Klubnavrae aan Philip Fourie, voorsitter, by 082-747-3634.
Hardus Botha
