Sowat 140 musiekliefhebbers het Saterdagaand ‘n baie geslaagde optrede deur Coenie de Villiers bygewoon.
Dit was in die gebou van die O.M.G.E.E.-gemeente en die grootte van die saal het ‘n intieme atmosfeer geskep. Die akoestiek was ook uitstekend en die vleuelklavier, wat deur Heuer van Stellenbosch verskaf is, het Coenie se vaardigheid as pianis ten beste na vore gebring. Dít tesame met sy pragtige lirieke en toeligting daarvan voor elke nommer het die aand nog meer besonders gemaak.
Coenie de Villiers (middel) saam met Deon en Linda Kloppers
Dit was voorwaar ‘n onvergeetlike aand en die organiseerder, Deon Kloppers, het sy dank teenoor die gemeenskap vir hul ondersteuning uitgespreek. Hy is in die projek bygestaan deur Petrus en Jean du Preez van die NG Kerk, Pearly Beach.
Francois de Jongh
prev
next
