Marieta’s Hair, Toes and Nails: Vyfde Verjaarsdag
Marieta de Beer het haar Marieta’s Hair, Toes & Nails se vyfde verjaarsdag op Vrouedag, 9 Augustus 2022 gevier. Sy het haar besigheid in Franskraal se deure op 9 Augustus 2017 oopgemaak en groei steeds van krag tot krag.
Van buite af mag die besigheid klein lyk, maar met die binnestap is dit duidelik dat daar ‘n hele verskeidenheid van vroue-mooi-maak-dinge aan die gebeur is. Die doen, sny en kleur van hare teen billike pryse is nommer een - Love is in the Hair! Bietjie weg van die hare af, is daar eyebrow wax (wenkbrou-versorging), feet pedicures (voetversorging) en nail manucures (naelversorging) - ook maar moeilik vir die joernalis om by die Afrikaanse terme van vroue-dinge uit te kom!
Marieta se mooimaak-dinge stop egter nie by hare, voete en naels nie. Sy doen ook kop, nek en skouer masserings om daardie gespanne spiere te laat ontspan.
Marieta en haar eggenoot, Barend, is oorspronklik van Pretoria. Daar het sy al die jare in haarsalonne gewerk, met die droom om eendag haar eie salon te kan oopmaak. “Hierdie salon wat ek vyf jaar gelede begin het, is gebedsverhoring, daarom is my Hemelse Vader die eerste wat ek opreg wil dankie-sê,” vertel Marieta. Sy bedank ook vir Barend vir sy ondersteuning en hulp om haar droom te kon verwesentlik. “Dan net ‘n groot dankie aan die eienaars van die gebou, John en Renette Collen, asook al my wonderlike kliënte gedurende die afgelope vyf jaar, waarsonder ek nie ‘n bestaan sou kon voer nie.”
Marieta’s Hair, Toes & Nails kan te Cillierstraat 75, langs Franskraal Minimark besoek word. Vir navrae en/of afsprake kan Marieta by 076 015 1076 geskakel word, of stuur ‘n epos aan haar by debeermarieta12@gmail.com.
