Gholfers en die Celebrity

Vlnr is Steve Muller, Glen Blacker (of dalk Rick Daly van 7de Laan?) en Bev Swart tydens verlede week se Sloegterskompetisie

Bev Swart, Steve Muller en ander gholfers van Gansbaai Gholfklub het tydens verlede Woensdag se Sloegterskompetisie saam met ‘n “celebrity” van 7de Laan, Rick Daly (Darren Kelfkens) gholf gespeel. Indien dit nou 1 April was, kon hierdie verhaaltjie dalk gewerk het, maar nou is dit Septembermaand. Die koppe het behoorlik in die rigting van Glen Blacker, ‘n besoeker van Johannesburg, gedraai wat baie maklik vir Rick van 7de Laan aangesien sou kon word. Maar, ongelukkig vir die gholfers, was dit toe nie Rick wat gholf gespeel het nie, maar sy “dubbelganger”, Glen. Dié twee manne lyk verstommend baie na mekaar: gesig, hare en selfs die mond en glimlag. Glen het gelukkig ook nie Rick se huweliksprobleme met Emma le Roux (Bertha le Roux) en die inmenging van Marko Greyling (Francois Lensley) in die 7de Laan-reeks nie. Glen staan op troue met Amanda van der Merwe, die suster van Louis Ludik, heelagter/flank vir die Sharks, wat tans vir ‘n Franse rugbyklub speel. “Dit het darem vir my gevoel ek speel saam met ‘n celeb,” het Bev gesê.

Hardus Botha