Die brute krag van die see soos by Gansbaai se hawemuur deur Hugh-Daniel Grobler vasgevang
Die krag van Moedernatuur (Forces of Nature) was die tema vir Gansbaai Fotografieklub se vorige byeenkoms. Etlike goeie foto’s deur klublede is besigtig en beoordeel. Met die onlangse hewige storms wat ervaar is, was die meerderheid van foto’s op die krag van seestorms gefokus. “Die foto’s wat aangebied is, was verskillend en baie oorspronklik en dit was duidelik dat die krag van die natuur hier reg rondom ons is en die aanbieding was vir ons ‘n goeie herinnering daaraan,” vertel Marc du Plessis, Aanbiedings- en Kompetisie beampte van die klub. Die wenners wat aangewys is , is Kobus van Staden met sy enorme golf en Hugh-Daniel Grobler met sy weergawe van die krag van die see by Gansbaai se hawemuur. Gansbaai Fotografieklub se volgende byeenkoms is vir Maandag, 7 Oktober om 18:30 te Kerkstraat 30 geskeduleer, met ‘n spreker wat nog bevestig sal word.
Vir navrae kan Christo Wessels by 082-920-9738 of Linda Kloppers by 082-550-7313 geskakel word.
Hardus Botha
Die heftigheid van golwe, soos deur Kobus van Staden afgeneem
