Jy is reeds n NUWE mens Leef dan ook so

 Jy is reeds n NUWE mens  Leef dan ook so

Gansbaai Courant

 “Iemand wat aan Christus behoort, is 'n nuwe mens. Die oue is verby, die nuwe het gekom.” (2Kor 5:17)

Besef ons as Christene werklik wat het alreeds met ons gebeur die oomblik toe ons Jesus as Verlosser in ons lewe aangeneem het? Leef ons elke dag in die krag van Sy Naam en tree ons op as oorwinnaars?

Hier is ’n verhaal om die punt te illustreer: Daar word vertel dat die vurige hings van Napoleon Bonaparte met die slag van Waterloo uitgebreek het en weggehardloop het. ’n Wakker jong manskap het op sy eie perd gespring en die hings ingejaag. Toe hy die leisels van die hings in Napoleon se hand teruggee het Napoleon die manskap met ‘n glimlag bedank en gesê: “Dankie Kaptein!” Die jong manskap het geskrik, maar flink op aandag gespring, gesalueer en gesê: “Ek dank u, Generaal!”  Hy is dadelik terug na sy slaapplek toe, het sy klere ingepak en in die offisierskwartiere ingetrek. Toe neem hy sy ou uniform en ruil dit om vir dié van  ‘n kaptein!

Op grond van die generaal se woorde het hy dadelik sy nuwe status aangeneem en daarvolgens begin optree. Hy het nie getwyfel nie. Hy het nie geargumenteer nie. Hy het geweet deur wie se outoriteit hy kon optree. En hy het dit aanvaar. Binne sekondes het sy hele lewe verander.

Ek wens só dat ons as Christene dieselfde kan doen. As ons maar net geglo het wat GOD ons in Sy woord belowe: “Iemand wat aan Christus behoort, is 'n nuwe mens. Die oue is verby, die nuwe het gekom.”(2Kor 5:17) Dit is nie meer nodig om soos ‘n bedelaar op te tree as jy die Koning se kind is nie. Jy het die reg om as kind van GOD jou plek in hierdie wêreld in te neem en met trots en oortuiging te wys wie jy nou is. Ons moet met krag kan bid en glo dat ons gebede in die Naam van Jesus Christus ’n verskil in die land sal maak. Ons kan as oorwinnaars saamstaan teen geweld en korrupsie – en weerstand bied op GOD se manier: “want waar twee of drie in my Naam saam is, daar is Ek by hulle.”(Mat 18:20) Kom ons begin bid in groepies van twee of drie en pleit dat GOD vir ons wat reeds oorwinnaars is in Jesus – die mag van die bose en die mag van geweld en korrupsie sal verbreek! Jy sal eerstens oorwinning oor jou eie swakhede behaal en dan sal jy sterker begin optree in jou omgewing!

Ek daag jou uit: Begin leef soos die nuwe mens wat jy reeds is! Staan op vir Jesus!

 Jy is reeds n NUWE mens  Leef dan ook so

Deon Kloppers

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Bulletininligting: Sondag 17 Junie 2018

Bulletininligting: Sondag 17 Junie 2018

As gevolg van vakansie, geen gesinsdiens in saal op Sondag 24 Junie 2018.

NG Kerk Gansbaai
5 Reasons why sellers should avoid a private sale

5 Reasons why sellers should avoid a private sale

Why sellers should avoid a private sale.

Seeff Gansbaai
Serendipity - Villa The Cherry

Serendipity - Villa The Cherry

Do you wanna hear an incredible story? Let me tell you one.. This blog is about how The Cherry came into our live.

Villa The Cherry
Whale Viewing 2018: A Guide to Boat-based Whale Watching

Whale Viewing 2018: A Guide to Boat-based Whale Watching

The low, bellowing call of a lone Southern Right Whale echoes through the waters of Walker Bay.

Our gentle giants have returned!

Our gentle giants have returned!

W.e had our first official whale trip of the season and as we launched from Gansbaai harbour.

The Strandveld is where...

The Strandveld is where...

Photographic journey, why we love our region...

See All Articles