24 Tablette vir Laerskool Gansbaai
Laerskool Gansbaai neem ontvangs van 24 tablette en twee laaistasies.
Laerskool Gansbaai is trots en dankbaar om deel te vorm van skole wat deur die WKOD van 24 tablette en twee laaistasies voorsien is.
Hierdie waardevolle toevoeging tot ons skool skep nuwe geleenthede vir onderrig en leer, waar tegnologie ’n al hoe groter rol in die wêreld rondom ons speel. Hierdie hulpmiddels sal help om ons leerders beter voor te berei vir die toekoms.
By Laerskool Gansbaai streef ons daarna om relevant te bly in ’n voortdurend veranderende wêreld en ons leerders toe te rus met die vaardighede wat hulle nodig het om suksesvol te wees in die digitale era. Die ondersteuning van die WKOD help ons om voort te bou op daardie visie.
Ons sien uit daarna om hierdie tegnologie optimaal te benut en sodoende ons leerders se leerervaring verder te verryk.
Die toekoms van onderwys is digitaal en ons is opgewonde om deel te wees daarvan!
