Kerkhorlosie baat by Sneeuwitjie

Kerkhorlosie baat by Sneeuwitjie

Gansbaai Courant

Die herstelkostes van die NGK se kerkhorlosie het tydens die onlangse opvoerings deur die NGK Kerkkoor ‘n goeie hupstoot gekry. “Die bedrag wat tydens die twee dae opgelewer is, maak al die voorafgaande harde werk en vele oefensessies alles die moeite werd,” het Aletta Lochner, koorafrigter en ook regisseur, gesê. Die koor het ‘n skreeusnaakse klugspel-operette, Sneeuwitjie en die 7 Bergies, opgevoer. Aletta het self die toneelstuk aangepas en ook self die bewoording vir die vele liedere wat gesing is, geskryf. Die twee aande is baie goed ondersteun, asook die wynveilings wat aangebied is. Die verversings wat gedurende die pouses verkoop is, is deur die Gansbaai Goue Hande voorberei en verkoop. Die dameslede van die koor het vir die agtergrondsang gesorg, met die manlike koorlede wat die rolvertolking gedoen het.

Alle rolspelers het hulself uitmuntend van hul taak gekwyt en saam met die uitstaande dekor van die “woud” en Bergie-huis op die verhoog, asook die voorportaal, het alles tot ‘n suksesvolle twee aande bygedra.

Die volgende bedankings (alfabeties) word voorgehou: Begeleiers (Annelene Reinke, klavier; Dirk Büchner, kitaar; Jack White, trompet; Thys de Villiers, verteller); Gansbaai Courant (beriggewing en foto’s); Gansbaai Melodrama Kinder Trustfonds (verskeie verhoogitems); Gansbaai OK Foods (kratte); Goue Hande (verversings tbv HaS); Hulpverlening (Cilliers Bruwer; Dames vir klere, grimering, kaartjieverkope; Das van Dyk; Dawie & Amanda le Roux; Dirk & Eva Büchner; Hennie Lochner; Jannie & Leonie Botha; Rensia van Jaarsveld; Thys Fourie & Marie Reid van Marie’s Boutique); Klank & beligting (Michael en Conrad Geldenhuys); NG Kerk (Wilna Swanevelder & Maritha Kriel; Saal); NGK Kerkkoor (Aletta Lochner as dirigent, afrigter, regisseur; Dameskoorlede, sang; Manskoorlede, toneelspelers; VGK Mannekoor, sang); Verhoog-dekor & voorportaal (Anita Botha en helpers); Wynskenkings (Rietvallei Wyne, Christine Bruwer; Rooiberg Wyne, Marianne Lochner; Namakwaland- en Van Loveren Wyne, Tinus de Jager). “Ek is nie iemand vir bedankings by die naam nie, want iemand kan dalk net uitgelaat word en daarom bedank ek graag alle betrokkenes vir hulle harde werk, hulpverlening en ondersteuning van harte,” het Aletta gesê.

Hardus Botha

Foto 1: Drie van die Bergies saam met Sneeuwitjie

Foto 2: En die koeël is deur die kerk vir Sneeuwitjie en die Prins

Kerkhorlosie baat by Sneeuwitjie

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

DIY Handy Hints #05

DIY Handy Hints #05

Here's how to get rid of dents in your wooden furniture!

Gansbaai Build It
See All Articles