Dillan sing tbv HaS

Dillan sing tbv HaS

Gansbaai Courant

Die gewilde Afrikaanse sanger, Dillan Lerm, tree op 5 Julie vanjaar om 19:00 in die Pretoriussaal ten bate van Herberg-aan-See op. Dillan is in Bloemfontein gebore, waar hy sowat 18 jaar van sy lewe deurgebring het. Sy ouerhuis is tans in Hermanus, waar hyself ook vanaf 1999 tot 2010 gewoon het.

“Ek noem myself ‘n professionele vakansieganger,” het hy al na homself verwys. Gedurende 2012 tot 2013 het Dillan sowat 280 optredes landswyd aangebied. Sy lewendige verhoogpersoonlikheid en natuurlike charisma met treffende lirieke soos die gewilde Emma’s Song en Trane van Genade, maak van hom ‘n ware ster. Hy word as ‘n diep mense-mens wat omgee en sy hart en tyd vir sy aanhangers aanbied, beskou. Hiermee kruip hy diep in die harte van oud en jonk in. Sy sprankelende verhoogpersoonlikheid maak ook van hom ‘n baie gewilde kunstenaar, asook seremoniemeester by verskeie feeste en skoue, soos die KKNK, Hartenbos ATKV, Bonnievale Bonanza en die Bloemfontein Skou.

Dillan deel ook al hoe meer die verhoog met groot name in die bedryf, soos Kurt Darren, Gerhard Steyn en Theuns Jordaan. Hy was ook die Tygerburger se lesers se eerste keuse met ‘n stemtotaal van sowat 3,300 stemme. Dillan sê hy het ook toneelspel en koordeelnames gedurende sy Stellenbosch-jare baie geniet. Hy beskou homself ook as ‘n “natural” agter ‘n mikrofoon en geniet die rol van seremoniemeester baie - “en ek vertel net skoon grappies…die meeste van die tyd!”

HaS is deurlopend afhanklik van addisionele finansiële hulp en ondersteuning en hierdie is ‘n gulde geleentheid vir die gemeenskap om hulle te ondersteun en terselfdertyd goeie waarde in ruil daarvoor te ontvang. Kaartjies beloop ‘n skrale bedraggie van R50/persoon en is by HaS (028-384-0501) gedurende werksure beskikbaar.

Hester Venter, organiseerder van Dillan se optrede, kan ook by 082-439-6256 vir kaartjies geskakel word. Teken nou reeds die datum aan: Saterdag, 5 Julie 2014 om 19:00 in die Pretoriussaal.

Hardus Botha

Dillan sing tbv HaS

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

New: Coffee in a cone

New: Coffee in a cone

The worlds most instagrammable coffee!

Tuscany Coffee Shop
African Penguin Awareness Day

African Penguin Awareness Day

Celebrating African Penguin Awareness Day.

Legal Snippets

Legal Snippets

FAILING TO DISCLOSE OR PUBLISH YOUR COMPANY'S STATUS ON CORRESPONDENCE AND ELECTRONIC COMMUNICATION.

Richards Attorneys
Bio-Curcumin Now Available

Bio-Curcumin Now Available

Bio-Curcumin now available at Tranquility Wellness Spa!

Great Review

Great Review

One for Gansbaai and its PEOPLE.

Blue Goose
Blue Flag Status for Marine Dynamics & Dyer Island Cruises Vessels

Blue Flag Status for Marine Dynamics & Dyer Island Cruises Vessels

Blue Flag status for Marine Dynamics and Dyer Island Cruises for the second year running...

See All Articles