Gemeenskap raak betrokke by Academia

Mev Petro Scholtz wat verlede jaar in Gansbaai kom aftree het saam met haar man het tydens eksamentye kom uithelp by die skool. Sy het die behoefte aan sitbankies op die speelterrein raakgesien. Die leerders sit op die gras en in die winter is dit nat. Sy het met me Ria van der Merwe kontak gemaak om te help met haar idee vir die bankies. Sy het op haar beurt vir Rudy le Grange van Fynbos Wendy’s genader.

Rudy was baie opgewonde om betrokke te raak by die skool en het die materiaal geskenk. Hy het ook spesiaal ‘n dag afgevat om die bankies te maak en op die speelterrein op te sit. Die skool is baie dankbaar vir die lede wat betrokke raak by die skool, selfs al het hulle nie kinders in die skool nie. Met ‘n gemeenskap wat so agter die skool staan kan die skool nie anders as om ‘n sentrum van uitnemendheid te word nie.

Liezel Mostert