Profiel Paul Knoetze

Profiel Paul Knoetze

Gansbaai Courant

Paul George Knoetze, alombekend as Paul (met die welige grys baard en bos hare!), is op 4 September 1940 in Potchefstroom, Noord-Wes Provinsie, gebore. Hy het een broer en twee susters, waarvan een reeds oorlede is. Paul het gedurende die oorlogsjare grootgeword, met die gesin wat baie rondgeswerf het totdat sy pa, wat ‘n Sersant-majoor in die Seinkorps was, na afloop van die oorlog teruggekeer het. Die gesin verhuis later na Kaapstad, waar Paul ‘n leerder van die Hoërskool Nassau is. As gevolg van die moeilike na-oorlogsjare, moes hy op eie stoom aan die Kaapse Tegnikon studeer om sy matriek met tegniese vakke te verwerf.  

Op 8 Desember 1962, meer as ‘n halfeeu gelede, tree Paul met ‘n nooi Roux van Caledon-distrik, Ena in die huwelik. Die egpaar het een seun, Martin wat met Alta getroud is en daar is 3 kleinkinders vir Paul en Ena uit die huwelik gebore. Paul se beroepslewe was hoofsaaklik meganies en elektronies van aard en hy ondergaan ook elektro-meganiese opleiding gedurende sy beginjare by die destydse Pos- en Telegraafwese (Telkom) en is later ook deel van die outomatisering van telefone.

Aan die begin van die 1980’s begin Paul sy eie betonbesigheid, Creo Concretus, wat die Latyns vir “Creative Concrete” is. Die besigheid is op ‘n skoon stuk grond begin, waar Paul sy volledige “fabriek” eiehandig en man-alleen gebou het, selfs die enorme silo’s, asook die fabrieksgebou met ‘n spoorlyn in die lug en koeke-panne wat daarop beweeg. “Ek het alles alleen gedoen, vanaf die teken van die planne, ingenieurstekeninge en -werke, elektrisiteit, sweis van die silo’s tot by die verf van alles,” vertel hy.

Tussendeur het Paul ook elektro-tegniese werk by verskillende firma’s gedoen en selfs sy eie radiofirma op die been gebring, waarna hy later deur Telkom versoek is om terug te keer. Hy was vir kraginstallasies verantwoordelik en het ook as skakelbeampte met die groot kontrakteurs gedien. Paul het ook as spesiale raadgewer in siviele hofsake vir Telkom opgetree, asook tydens interne arbeidsaangeleenthede. Dan het hy ook boekpryse ontvang vir etlike jare se bydraes tot Telkom se korrespondent-netwerk en koerant, waar hy ook die fotograaf was. Met hulle aankoms in Franskraal sowat 14 jaar gelede, het hy as bou-aannemer opgetree en verskeie wonings, asook ‘n dubbelverdieping woning gebou. Hulle huis het hy ook man-alleen van die grond af opgebou. Aanvanklik het Paul op fynere elektronika gefokus deur onder andere naaldwerkmasjiene te herstel, wat hy steeds doen. Later het hy ook op die herstel van muur-, staan-, kaggel- en antieke horlosies begin fokus - ‘n belangstelling wat reeds sedert sy beginjare daar was.

In Paul se geval sluit die begrip “herstelwerk” ook die fisiese maak van parte wat nie meer beskikbaar is nie, in. Wat hierdie vaardigheid van Paul met veral horlosies des te meer merkwaardig maak, is dat hy sy een oog tydens ‘n ongeluk verloor het. ‘n Kornea en lensoorplanting is op hom uitgevoer, maar die oog het nooit volkome herstel nie. Later het Paul, op versoek, by die herstel van kerkhorlosies betrokke geraak. Eers was dit Elim se kerkhorlosie, daarna dié van Genadendal wat vir 15 jaar buitewerking was en daarna die NG-gemeente Wellington-Noord se horlosie. In al die gevalle was daar onvervangbare parte wat hy eenvoudig self vervaardig het. Onlangs het die NG-gemeente Gansbaai se horlosie ter sprake gekom en het hy onderneem om die horlosie te herstel en dien hy ook op die komitee wat daarvoor verantwoordelik is.

In hierdie omgewing is Paul alombekend vir sy welige baard en hare en hy vertel dat hy slegs enkele kere in sy lewe daarsonder was. Paul verkeer in uitstekende gesondheid en sy filosofie in die lewe is eenvoudig: “Doen wat jy doen reg met die eerste keer!”

Hardus Botha

Foto 1: Paul Knoetze met sy bekende baard, saam met sy eggenote, Ena van Franskraal

Foto 2: Paul en Ena Knoetze op hul troudag, wat een van die weinige kere was wat hy sonder sy baard was

Profiel Paul Knoetze

Hardus Botha

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Mid Winter Beach Trails

Mid Winter Beach Trails

Mid Winter in the Overberg and still wonderful weather to ride in.

Serendipity - Villa The Cherry

Serendipity - Villa The Cherry

Do you wanna hear an incredible story? Let me tell you one.. This blog is about how The Cherry came into our live.

Villa The Cherry
Latest addition to Bay Tyre's services

Latest addition to Bay Tyre's services

Bay Tyres now offers exhaust and lubrication services (minor service)!

Bay Tyres
Whale Viewing 2018: A Guide to Boat-based Whale Watching

Whale Viewing 2018: A Guide to Boat-based Whale Watching

The low, bellowing call of a lone Southern Right Whale echoes through the waters of Walker Bay.

Our gentle giants have returned!

Our gentle giants have returned!

W.e had our first official whale trip of the season and as we launched from Gansbaai harbour.

The Strandveld is where...

The Strandveld is where...

Photographic journey, why we love our region...

See All Articles