DAFF goedkeuring vir een groot Brandbeskermingsvereniging vir die Overberg

Die meeste van die Overberg Distrik is nou gedek deur een Brandbeskermingsvereniging (BBV). Na maande van harde werk en insette van al die groot rolspelers is die distrik-wye Groter Overberg BBV gevorm en geregistreer by die Departement van Landbou, Bosbou en Visserye (DAFF). Slegs Hagelkraal en Napier BBV’s het nog nie besluit om aan te sluit nie. Die distrik-wye BBV is ondersteun deur navorsing, personeel en befondsing deur die Verenigde Nasies se Ontwikkelingsprogram geaffilieerde GEF (Global Environmental Facility) FynbosFire projek.

Brandbeskermingsverenigings is gevorm om hulp te gee aan grondeienaars met veldbrande, omdat die Nasionale Veld-en Bosbrande van 1998 ( NVFFA ) al die verantwoordelikheid van veldbrande te voorspel, voorkom, bestuur en te blus op die grondeienaar sit. Die Groter Overberg BBV gee dus raad en bystand aan al sy lede deur die ontwikkeling en implementering van 'n veldbrand bestuurstrategie en gee hulp waar dit kan met brandbestryding, voorbereiding van brandstroke, brandstoflading vermindering en beheerde brande. Die BBV is nie 'n brandbestryding diens nie, maar sal help deur die fasilitering van beter kommunikasie, opleiding en die huur van die Working on Fire spanne en lug brandbestryding hulpbronne. Verdere sal die BBV die bewustheid rondom die risiko en gevare van veldbrande verhoog deur bewusmakingsveldtogte, toegang tot inligting en verspreiding van die daaglikse voorspellings van die brandgevaar indeks. Die Groter Overberg BBV bied ook lede die wetlike sekuriteit dat in die geval van 'n siviele geding teen hulle vir die skade wat deur 'n veldbrand veroorsaak is, hulle nie nalatig geag word soos uiteengesit in die NVFFA.

Vir 'n beter bestuur en om beter voorsiening te maak vir gebiede met verskillende brandbestuur behoeftes, is die Groter Overberg BBV verdeel in kleiner Brandbestuurseenhede (FMU). Hierdie FMU’s sal waar toepaslike soortgelyke gebiede dek soos die ou BBV’s of die Landbou Verenigings.

Die Groter Overberg BBV het die FynbosFire nuusbrief asook BBV kommunikasie aan al sy lede via e-pos aangestuur. As u ‘n lid is en hierdie kommunikasies in die laaste paar maande nie ontvang het nie, e-pos asseblief die BBV by die e-posadres onder, as dit wel kon wees dat die BBV 'n verkeerde e-pos adres het.

Werwing van nuwe lede, die voorbereiding van ‘n ingeligte strategie en bou van die nodige kapasiteit is tans van die grootste take van die nuwe BBV.

Vir meer inligting, besoek asseblief ons webwerf www.overbergfpa.co.za of kontak ons hoofkantoor op info@overbergfpa.co.za of 028 425 1690 om lid te word.