Veteraan Oubaas bly bobaas

“Overberg Kushengel se veteraan kushengelaar (al hengel hy nie meer nie), Oubaas Lesch, het weer eens ‘n pragtige wenvis ingeweeg,” skryf Elba Tredoux van die klub.

“Volgens sy seun, Johan, het hulle almal saam in dieselfde gate gehengel - met dieselfde aas, maar Oubaas was die gelukkige - of bedrewe - een om ‘n Mosselkraker van 5.66kg te haak.”

Die tweede grootste vis van die dag was ‘n galjoen van 1.58kg van Sihan Toua. Elba sê die weer het pragtig saamgespeel en die hengelaars was “begeesterd”, maar die see het maar effentjies gegee”. Vermoedelik het die naderende kouefront alles daarmee te doene gehad. Dit het egter nie die hengelaars se vermoëns of geesdrif gedemp nie. “Gelukkig het die Springbokke darem ook die harte warm gemaak en almal het eers saam na die wedstryd gekyk voordat die visse ingeweeg is.”

Die borge vir die dag word weer eens hartlik bedank: Gansbaai Matte en Blindings, Fish Fever, Boland Sport, Bon Bon, Fish Barrel, Gansbaai Car and Boat Wash en Overstrand Makelaars.

Overberg Kushengel se volgende kompetisie sal op Saterdag, 12 Julie 2014 plaasvind.

Belangstellendes of besoekers is welkom om deel te neem of aan te sluit. Vir navrae kan die Wedstrydsekretaris, Leibrandt van Niekerk by 028-384-1333 of 082-487-3106 gekontak word, of stuur ‘n epos aan hom by bietouprops@gmail.com.

Hardus Botha

 Foto: Veteraan Oubaas Lesch met sy 5.66kg Mosselkraker