Gaan haal die punte Black Leaves

Daar is hoegenaamd geen verskoning vir die span van Gansbaai om maar net te gaan afreken met die span van Montagu (Villagers) komende Saterdag nie.

Kom ons konsentreer meer oor Black Leaves se eerste span wat tans in 'n goeie posisie is om na die top vier te beweeg. Met die blaaskans wat die manne geniet het behoort die Ceres wedstryd van voor verlede week die manne 'n lekker hupstoot te gee.

Montagu het seker een van die beste agterlyne in die kompetisie, maar met die talent waaroor die Baaiers beskik kan hulle Montagu laat les opsê. Ja, met die agttal waarmee Black Leaves deesdae vorendag kom gaan die vonke beslis spat. Die span van die Baai het wel vroeër die seisoen omtrent raak gevat om op vorm te kom. Die Afrigters kan glimlag omdat daar soveel diepte op die plaasvervangings bank is.

Met Gavin Wildschut wat die agttal lei, blaas hy behoorlik stoom in daar voor en met Franco Fredericks wat agter lei speel hierdie twee komponente 'n goeie samehorende rol. Met die laaste wedstryd Saterdag in die eerste rondte sal die manne moet goed afsluit om vorentoe 'n gerekende faktor  wees. Ons hoop om van hierdie dinamiese jong agterlyn lang afstand drieë te sien, maar om dit te kan vermag het hierdie latte ook groot ondersteuning nodig. So kom en pak die bus vol. Voorspoed Black Leaves. NS - Rooies, Wynand, Michael en Lood - wil julle nog game maak? Staan dan nader ouens.   So sê Bra "G"