Montagu maak amok teen Black Leaves

Wat die opskrif hierbo aanbetref  kan daar bladsye vol geskryf word, maar kom ons kry die hele besigheid 'n bietjie in perspektief.

Dat die ouens van Montagu die Baaiers verlede week behoorlik op hul herrie gegee het laat nogal 'n wrang smaak na maar tog het die "boys" met 'n goeie gees huiswaarts gekeer. Bo en behalwe die rugbyles wat Black Leaves by die Villagers van Montagu geleer het hul ook die volgende keer. Montagu was tot toe die sukkellende span in die kompetisie maar het op 'n operasie klub skoonmaak besluit en daarom die reuse sukses behaal. Ja en net daar het die Baai dan opslag wakker geskrik en besluit om sonder onderhandeling die snoeiskêr behoorlik te kom inlê.

Reeds met die aankoms daar op Montagu se sportgronde kon jy die samehorigheid oplet en vanaf die staanspoor het hulle die veld gevee met die Swart-Blare. Black Leaves se derdes keer wel terug met 'n bonus puntjie (6-12). Die tweedes het vir die hele duur van die "game" nie die doellyn gesien nie en daarvoor kon die eerste span darem 'n troos drie behaal, danksy Brenton Lee Dickson se flinke spel. Met die lekker verloor daar anderkant het die Baaiers nogal die "guts" gehad om Montagu te "blew" vir die herontmoeting by die huis. Die uwe het dit gehoor en hy weet al wat gaan gebeur. Dit gaan waaragtig eina wees vir Montagu.

Die klubs is in reses vir minstens twee weke en Black Leaves beplan fondsinsamelings ten opsigte van bedrywighede op Blompark sportgronde.

Met 'n behoorlike tien wedstryde oor gaan jy nooit die fokus van die Black Leaves afkry om die top vier uitspeel wedstryde te haal nie.

Amateur rugby op ons dorpe leef swaar a.g.v tekorte aan finansies. Die klub vra dus mooi vir hulp, bystand, ondersteuning en/of enige bydrae wat kan help tot jong sportsterre se vooruitgang om nie op verkeerde weë te beland nie.

So sê Bra "G"

Argieffoto: Gavin Smit, losskakel, in aksie.

Gansbaai Black Leaves Montagu maak amok_1