Heldedaad red 2

Heldedaad red 2

Gansbaai Courant

Dramatiese tonele is Dinsdagmiddag by Franskraal afgespeel toe twee drenkelinge, Manie van den Berg (61) van De Kelders en Cameron Plaatjies (29) van Blompark, na sowat 2 uur in die water, gered is.

Die held van die dag was Rory Richards van Pinelands wat op 'n olieboorplatform werk en tans hier vakansie hou. "Ek het by Blousloep vanaf die rotse gehengel toe ek 'n klein 3m en 9 pkg buiteboortbootjie met twee mans aan boord sowat 300 meter vanaf die kant, opgemerk het. Die bootjie het skielik in 'n brander omgeslaan, onderstebo gedryf en die mans het daaraan vasgeklou." Deon Niemand, wat daar verbygery en  ook gesien wat gebeur het, het dadelik die munisipale nooddienste gebel. Richards het ook 'n noodnommer wat by die Blousloep se bootlanseerpunt vertoon word, gebel. 'n Haaibesigtigingsboot het probeer hulp verleen maar kon nie deur die plaat digte bamboes kom nie.  "Ek kon ook nie gaan help nie. Dit was sleg om dit als te sien terwyl ek niks kon doen nie. 

"Ek swem nie goed nie, het nie duikgoed nie en is ook al 60," het Niemand ontsteld op die toneel gesê.

Die drenkelinge was eers net nat maar nog veilig maar die tyd het later, nadat hulle sowat 1½ uur in die water was, vir hulle begin uitloop." Die boot het intussen tot gevaarlik naby aan rotsstaande rotse gedryf en Richards het besluit om na die naaste punt te ry. Daar het hy sy duikpak aangetrek en na die boot geswem. "Ek het vir hulle gesê om nie aan die land se kant van die boot vas te hou nie, want die rotse gaan hulle baie seermaak." Volgens hom was die ouer man reeds baie gedaan. "Ek het die brandstoftenk losgemaak en vir Plaatjies gegee om mee uit te dryf terwyl ek met  Van den Berg begin uitswem het. Hy het net aanhoudend gesê: 'Ek kan nie meer nie', waarop ek gesê het, hy het geen keuse nie," het Richards vertel. Toe hulle naby die kant kom, het omstanders 'n tou na hulle gegooi en gehelp om die drenkelinge veilig op die rotse te kry. Cassie Carstens van Overstrand Medical Response was op die toneel en het die twee mans vir hipotermie, skok en skrape behandel. Deon Langenhoven, Onderbevelvoerder van NSRI Hermanus en Jean le Roux het ook gehelp met die stabilisering van die twee mans. Hulle is later per ambulans na Hermanus geneem.

Francois de Jongh

Heldedaad red 2

Francois de Jongh

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Mid Winter Beach Trails

Mid Winter Beach Trails

Mid Winter in the Overberg and still wonderful weather to ride in.

Serendipity - Villa The Cherry

Serendipity - Villa The Cherry

Do you wanna hear an incredible story? Let me tell you one.. This blog is about how The Cherry came into our live.

Villa The Cherry
Latest addition to Bay Tyre's services

Latest addition to Bay Tyre's services

Bay Tyres now offers exhaust and lubrication services (minor service)!

Bay Tyres
Whale Viewing 2018: A Guide to Boat-based Whale Watching

Whale Viewing 2018: A Guide to Boat-based Whale Watching

The low, bellowing call of a lone Southern Right Whale echoes through the waters of Walker Bay.

Our gentle giants have returned!

Our gentle giants have returned!

W.e had our first official whale trip of the season and as we launched from Gansbaai harbour.

The Strandveld is where...

The Strandveld is where...

Photographic journey, why we love our region...

See All Articles