Alhoewel die Gansbaaiers se bulte daar anderkant op De Doorns (Proteas) met 22-3 uitgeklop was beteken dit nogal nie hulle is platgeslaan nie, net behoorlik uitgestryk. Black Leaves se agttal het egter goed gewoel.
Daar kan nie nou nog plek wees vir houe vat nie, eerder uitdeel van hier af. Die vraag is, hoe gaan dit vermag word? Die antwoord is, die vinger moet direk na die afrigting bestuurspan gewys word, "finish en klaar". Dat jy in die groter Gansbaai nie 80 rugbyspelers kan ontwikkel nie en hulle gelukkig by die klub kan hou nie spreek onder andere boekdele.
Ja, wat, die ouens het verloor maar het wel beterskap getoon. Veral die feit dat die tweedespan goed vertoon het vir die dag om mt 11-10 te seëvier en nou het daar outjies aan die voordeur begin klop.
Black Leaves se vorige twee teenstanders, Montagu en De Doorns lyk asof hulle die twee vormspanne in die afdeling kan wees.
'n Klompie name word vir die toekoms uitgesonder wat reg bestuur moet word: Divvy, Daan, Fella, Devan, Anwill, Adrian, Slums, Sampie Saal, Mano, Monty, Bradwill, Brian, Clayton en Warnie. Komende Saterdag 2 Augustus pak die Baai vir Genadendal tuis aan.
Black Leaves se uitstaande wedstryde
2 Aug Black Leaves / Genadendal tuis
9 Aug Safcol / Black Leaves weg Grabouw
16 Aug Black Leaves / Standards tuis Bredasdorp
23 Aug Ashton / Black Leaves weg
30 Aug Black Leaves / Kleinmond tuis
6 Sep Caledon / Black Leaves weg
13 Sep Black Leaves / Young Hamiltons tuis Worcester
20 Sep Hamlets / Black Leaves weg Ceres
27 Sep Black Leaves / Villagers (m) tuis Montagu
So sê Bra "G"
