Loslitdag vind vanjaar op Vrydag 5 September plaas. Loslitdag is die land se grootste fondsinsamelings- en bewusmakingsprojek vir persone met gestremdheid. Dis ‘n dag waarop ons vra dat almal in SA gemaklik, formeel of sommer net verspot sal aantrek wanneer hulle werk toe gaan en die amptelike Loslitdag-plakker sal dra.
Hou die blink kant bo
Met jou glinsterende oorbelletjies en briljante blou hoed
Want Loslit Dag is vanjaar 20 jaar oud
Trek alles uit die kas wat jy het!
Haal uit jou fraaiste rok met jou mooiste pet
Tooi jou in sterretjies, blinkers en goud
Met deftige dasse en vrolike versiersels
Blink krale, pragtige vere en diamante in jou hare
Skitterend van kop tot tone
Maak net seker jy maak ‘n groot impak
Om persone met gestremdheid te ondersteun!
Loslitdag het oor die jare ‘n gunsteling op die kalender geword vir baie Suid-Afrikaanse sake-instellings. Sommige maatskappye gebruik dan Loslitdag as ‘n geleentheid vir hul korporatiewe spanbou dae, terwyl hulle ‘n bydrae maak tot een van ons land se mees kwesbare sektore - persone met gestremdheid.
Die Loslitdag-tema vir die jaar is “Bring out the Bling” oftewel “Blink kant bo!”. Dink aan iets om te dra, en maak dit tien keer blinker. Of dra ‘n groot hand vol plakkers. Onthou Vrydag, 5 September is die dag vir blink aantrek. Vanjaar is Loslitdag se 20ste verjaarsdag en daarom kan mense jul partytjie-uitrustings aantrek.
Die projek behoort aan en word beheer deur Die Nasionale Raad vir Persone met Liggaamlike Gestremdheid in SA en word jaarliks georganiseer deur die raad se Loslitdagspan.
Ons organisasies neem deel aan die projek deur die infrastruktuur van die projek, om fondse in te samel vir die dienste wat hulle aan persone met gestremdheid lewer. Donasies van R10 per plakker is belangrik aangesien ons so die nodige fondse kan insamel ter ondersteuning van persone met gestremdheid se regte tot onderwys, behuising, opleiding, toeganklikheid en werkskepping te ondersteun… met ander woorde, volle inskakeling in die gemeenskap.
Loslitdag is vandeesjaar op Vrydag 5 September.
Hierdie is ‘n fondsinsamelingsgeleentheid vir persone met gestremdheid. Die groot begunstigdes is die volgende organisasies: Die Nasionale Raad vir Mense met Liggaamlike Gestremdheid in Suid-Afrika; Die SA Federasie vir Geestes Gesondheid; Federasie vir Dowes van SA; Die Nasionale Raad vir Blindes; Outisme Suid-Afrika; Down-Sindroom Suid-Afrika; Die Nasionale Raad vir Persone met Serebrale Gestremdheid; Die Suid-Afrikaanse Dowe Vereniging; Die Nasionale Instituut vir Dowes; QuadPara Vereniging van Suid-Afrika; Alzheimer’s Suid-Afrika, en South African Disability Alliance.
FB: www.facebook.com/casualdaySA
Twitter: @CasualDay_SA
#BringouttheBling
#CasualDay
