Goue Hande wen Loshande

Goue Hande wen Loshande

Gansbaai Courant

 “Dankie, julle gee die lewe sin,” lui die inskripsie op ‘n organiese keramiekbord wat aan die Goue Hande deur Badisa saam met ‘n pragtige sertifikaat oorhandig is. Francia van Dyk, sameroeper van die Goue Hande en Suster Linda Meyer het die toekenning in ontvangs geneem. Badisa (Christelike Barmhartigheid) het vraelyste aan etlike organisasies gestuur met die doel om die “Vrywilligersgroep van die Jaar” aan te wys.

HaS het ‘n volledige motivering aan Badisa gestuur waarin Gansbaai se Goue Hande as groep aanbeveel is. Die onafhanklike beoordeling deur Badisa is gedoen, en…..Gansbaai se Goue Hande het loshande gewen. Hulle is as Badisa se “Vrywilligersgroep van die Jaar” aangewys - ‘n puik, maar ook ‘n welverdiende prestasie. Die Goue Hande is gedurende 1995, bykans 20 jaar gelede, gestig.

“Volgende jaar vier ons die Goue Hande se 20ste bestaansjaar en ons beplan groot feesvieringe,” sê Francia. “Die doel van ons groep is om die lewenskwaliteite van ons inwoners in alle opsigte te verbeter en daarom lewer ons daagliks dienste op persoonlike vlak en ook andersins by die Tehuis self.”

Enkele van die vele aktiwiteite wat deur Francia uitgelig is, is: Maandae klokslag daag Margie op met haar tasse en ander goedjies om na die inwoners se tone, voete en naels as ‘n liefdesdiens om te sien; Dinsdae laat Ute hulle wikkel en roer met ligte oefeninge om die gewrigte te stimuleer en die bloedsomloop te verbeter; Woensdae is Dalene en haar spannetjie daar met stimulasie op ‘n meer gesellige noot met bingo, domino’s en rummie-cup, asook lekker saamsing of om vir die jaarlikse Winterspele te oefen; Donderdae en Vrydae bedryf Petro en haar span ‘n gratis haarsalon. Dan is daar nog vele ander dienste wat gelewer word, soos om die inwoners vir inkopies te neem of om hulle inkopies te gaan doen, boekvoorlesings, spesiale bederfdae soos met Valentyns- en Moedersdae, blikkieskud, hulpverlening met fondsinsamelingsprojekte, asook tydens die jaarlikse basaar en andere.

Francia sê hulle het 10 jaar gelede hulle hoogtepunt bereik, maar met almal wat ouer word, bestaan daar nou ‘n dringende behoefte aan nuwe lede en mans is nie hiervan uitgesluit nie.

Vir navrae kan Suster Linda Meyer (028-384-0501) of Francia van Dyk (028-384-0262) gekontak word.

Die jaarlikse HaS Basaar is vanjaar vir 4 Oktober 2014 geskeduleer.

Hardus Botha

Goue Hande wen Loshande

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Grootbos wins WTM Responsible Tourism Award

Grootbos wins WTM Responsible Tourism Award

The past weekend saw the World Travel Market gather for the annual WTM Responsible Tourism Awards.

Marine Dynamics Receives Award at World Travel Market in London

Marine Dynamics Receives Award at World Travel Market in London

South Africa and Gansbaai remained in the spotlight at the World Travel Market London 2017.

Earning our colours, a quick guide to our age

Earning our colours, a quick guide to our age

This is a quick guide to assist you with African penguin age identification tips.

Build It Has a New Website!

Build It Has a New Website!

The Build It group has launched a new website!

Gansbaai Build It
Whale Watching Trip 01 November 2017

Whale Watching Trip 01 November 2017

Today was another picture perfect day on the ocean, with us having a wide variety of spectacular sightings…

Win R20 000 for the cause you support

Win R20 000 for the cause you support

MySchool MyVillage MyPlanet is celebrating 20 years of giving back and you could win R20 000 for the cause you support and a Woolies gift card for yourself!

See All Articles