Oe wat praat

 Oe wat praat

Gansbaai Courant

Die tema van Gansbaai Fotografieklub se vorige byeenkoms was “oë/eyes” en die uitstekende foto’s deur die klublede het getoon hoe oë in ‘n foto kan “praat”. “Dit was ‘n baie leersame aand vir almal van ons en die foto’s wat vertoon is was kreatief en inspirerend,” sê Christo Wessels, voorsitter.

“Die wenfoto behoort aan klublid Jane Bailey met ‘n kunstige foto van ‘n gemaskerde gesig met oë wat duidelik en in perfekte fokus is.”  Marc du Plessis, die klub se kompetisie-offisier, meld dat die byeenkoms met luide applous oor Jane se foto afgesluit is. “Daar was nie baie inskrywings nie, moontlik as gevolg van die moeilikheidsgraad van die tema, maar die foto’s was uitstekend,” sê Marc. Christo het ‘n kort aanbieding gelewer oor die volgende tema, “Lente/Spring”, en klublede sodoende gehelp met idees en tipiese kamera-verstellings vir die beste resultate. Clive en Jane Bailey het ook hulle uitstaande kennis met die oog op die volgende tema met klublede gedeel met die doel om hul fotografie-vernuf te verbeter.

September (22ste) se tema gaan wees “Lente/Spring” en dié van Oktober (20ste) “Vervoer/Transport”.

Op 1 September sal Max Leipoldt as gasspreker optree en op 8 September sal Hennie Otto “boot gebaseerde fotografie” aanbied. Lede word ook herinner aan die Baardskeerdersbos-uitstappie van 6-7 September.

Vir klubnavrae kan Christo Wessels by 082-920-9738 of Linda Kloppers by 082-550-7313 geskakel word.

 Hardus Botha

 Oe wat praat

Hardus Botha

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More