Afrikaans my TROTS

Afrikaans my TROTS

GansbaaiCourant WhatsApp Nuus / News

'n Unieke projek gemik op Afrikaanssprekende skoolleerders is op Taaldag (14 Augustus) by 'n funksie ter viering van 100 jaar van Afrikaans as skooltaal bekendgestel. Tydens die geleentheid is 'n omvattende geskiedenis, wat as 'n tandaardwerk oor Afrikaans beskou word, vrygestel. Die boek getiteld, “Ons gaan 'n taal maak”: Afrikaans sedert die Patriot-jare is geskryf deur die taalhistorikus, prof. Jaap Steyn, en uitgegee deur die uitgewersmaatskappy van die Solidariteit Beweging, Kraal Uitgewers. 

Die projek, “Afrikaans – my TROTS!”, is daarop gemik om die jeug se positiewe boodskappe oor Afrikaans te versamel. “Die viering van 100 jaar van Afrikaans as skooltaal is 'n merkwaardige mylpaal vir die taal. Die harde werk van prominente taalmense, soos C.J. Langenhoven, het die vestiging van Afrikaans in skole moontlik gemaak. Dit is egter noodsaaklik dat daar vandag steeds gewerk moet word aan die bewaring van Afrikaans in skole,” verduidelik Ilze Nieuwoudt, publikasie-bestuurder vir Kraal Uitgewers, wat die projek aanpak.  

Volgens Nieuwoudt hoop Kraal om die 100 mees inspirerende boodskappe van skoliere in die vorm van 'n tydkapsule vir die nageslag te bewaar. Die insameling van positiewe boodskappe oor Afrikaans uit die monde van jongmense wat lief is vir die taal sal Afrikaans as taal van die toekoms help vestig. “Afrikaans is nie net die droomtaal van Langenhoven, Totius en Preller nie; dit is 'n lewende taal van dinamiese jongmense van vandag. Deur ʼn liefde vir Afrikaans by ons jeug te kweek, neem ons reeds 'n broodnodige stap in die rigting om Afrikaans vir die volgende generasie te bewaar,” meen Nieuwoudt.  

Kraal Uitgewers nooi skoolleerders uit om hul boodskappe oor Afrikaans in te skryf. Die mees inspirerende boodskap sal aan die einde van die projek aangewys word en die wenner sal 'n boekegeskenkpak van Kraal Uitgewers ter waarde van R1 000 ontvang. Vir meer inligting besoek www.kraaluitgewers.co.za.

Hoe neem ek deel?

  1. Neem ’n kort video- of klankgreep van ’n maksimum van 60 sekondes van jouself (of laat ’n vriend/vriendin jou afneem).
  2. Stuur jou boodskap op een van die volgende maniere aan Kraal Uitgewers:

     - via WhatsApp (na 079 874 2024);
     - via SMS (na 079 874 2024);
     - via e-pos (na ilze@kraaluitgewers.co.za);
     - deur ons webwerf (besoek www.kraaluitgewers.co.za en klik op die skakel genaamd “Afrikaans – my trots” op die tuisblad van die webwerf. Volg die instruksies om die boodskap op te laai.)
     - (Boodskappe kan ook deur webblaaie soos Dropbox opgelaai word. Stuur bloot die skakel waar die boodskap afgelaai kan word na ilze@kraaluitgewers.co.za.)  

Wat moet die boodskap bevat?

1. Stel jouself bekend. Sluit jou naam, van, ouderdom, naam van jou skool en jou graad in, byvoorbeeld: “My naam is Katinka Heyns. Ek is 15 jaar oud en in graad 9 by die Hoërskool Vredefort.”

2. Neem dan jou boodskap oor Afrikaans op. Wat maak jou opgewonde oor die taal? Wat doen jy alles in Afrikaans? Hoekom is jy lief vir Afrikaans?

Belangrike datums

Boodskappe moet ons asseblief nie later nie as 10 September 2014 bereik. Die wenner sal op 17 September aangekondig word, waarna dié video, en 99 ander video’s, op Erfenisdag (24 September 2014) vir bewaring oorhandig word. 

 Ilze Nieuwoudt

Afrikaans my TROTS

Gansbaai Courant

Exciting news! GansbaaiCourant no longer publishes on paper, but distributes news and advertisements via the GansbaaiCourant WhatsApp news group to a readership of 2179 and growing! Join our group today to stay up to date with the latest happenings in Gansbaai and surrounds. Cost: R300 fo...

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Exploring Cape Town: Future Hosts in Action

Exploring Cape Town: Future Hosts in Action

The Green Futures Hospitality Class enjoyed a field trip to Cape Town where they visited a few of the Mother City's well-known tourism sites.

Grootbos Foundation
Beide Spanne Dring Deur na Skaakliga-Finaal!

Beide Spanne Dring Deur na Skaakliga-Finaal!

Beide ons skaakspanne het op Vrydag, 30 Mei, aan die tweede rondte van die Skole Skaakliga deelgeneem.

Laerskool Gansbaai
LANDLOOP

LANDLOOP

Op Saterdag, 31 Mei, het ons landloopatlete aan die Boland Interdistrikte-byeenkoms te Worcester deelgeneem.

Laerskool Gansbaai
Fake Grass for Outdoor Areas

Fake Grass for Outdoor Areas

Why not use fake grass to change up your outdoor space?

Why It’s So Hard to Leave a Narcissist

Why It’s So Hard to Leave a Narcissist

When you're in a relationship with a narcissist, your emotional world slowly starts revolving around their moods.

Boosmansbos-langstertbosmuis ná 46 Jaar Weer Opgeteken

Boosmansbos-langstertbosmuis ná 46 Jaar Weer Opgeteken

Elusive Boosmansbos long-tailed forest shrew, Recorded after 46 years for the 1ste time.

Gans-Berg Nuus / News
See All Articles