Boot gebaseerde fotografie

Boot gebaseerde fotografie

Gansbaai Courant

Hennie Otto van Marine Dynamics en Dyer Island Conservation Trust het op 8 September ‘n interessante praatjie oor die kuns van boot-gebaseerde fotografie aan lede van die Gansbaai Fotografieklub aangebied. “Hennie se aanbieding het gehandel oor die haaie, walvisse, dolfyne, seevoëls en ander seelewe wat in die Kleinbaai- Dyer Eiland omgewing voorkom,” vertel Christo Wessels, voorsitter: Gansbaai Fotografieklub.

“Onder andere het hy ook ‘n professionele video oor die haai- en walvis toerismebedryf aan die lede vertoon.” Christo sê dat Hennie se uitstekende foto’s van veral die Groot Withaai, walvisse en seevoëls in die Dyer Eiland kus- en see-omgewing boeiend was en ook getoon het dat hy professioneel agter sy kamera optree. “Hennie het nie net sy jarelange praktiese ondervinding van bootgebaseerde mariene-fotografie met almal gedeel nie, maar hy het ook lede se vrae daaroor in diepte beantwoord,” sê Christo. “Hy het baie klem op die bewaring en rehabilitasie van die see- en kuslewe geplaas en het statistieke, wat die verspreiding van die Groot Withaai aandui, met die groep gedeel, asook inligting oor hul gewoontes en maniere.” Hennie was aanvanklik in die kommersiële Vissersbedryf en is sedert 1992 ‘n gekwalifiseerde skipper.

In 2008 sluit hy as skipper by Marine Dynamics en Dyer Island Conservation Trust aan en is tans die Algemene Bestuurder van Marine Dynamics, asook skipper van hulle boot, SlashFin. Hennie is by etlike bewarings- en navorsingsprojekte betrokke en werk ook nou saam met universiteite.

Sy bekende uitspraak is: “My passion in life is not only the marine life, but also the life of nature!” Gansbaai Fotografieklub vergader elke 1ste en 3de Maandag van die maand om 18:15 vir 18:30 te Kerkstraat 30, oorkant die laerskoolhek. Die tema’s vir foto’s vir die volgende byeenkomste is “Lente/Spring” (22 September 2014) en “Vervoer/Transport” (Oktobermaand).

Vir klubnavrae kan Christo Wessels by 082-920-9738 of Linda Kloppers by 082-550-7313 geskakel word.

Hardus Botha

Boot gebaseerde fotografie

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Big 5 Tours  - 18 January 2018

Marine Big 5 Tours - 18 January 2018

We had two trips out today, one in the late morning on our smaller vessel Whale Whisperer, and second on Dream Catcher...

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

See All Articles