Spesiale Wynproe

Spesiale Wynproe

Gansbaai Courant

Wat ‘n spesiale geleentheid was Gansbaai Wynproegilde se byeenkoms op Vrydag, 26 September 2014 in die Great White House nie gewees nie. Dit was die eerste byeenkoms sedert wyle Helmie de Vries, stigter van die gilde en ook voorsitter, se afsterwe op 16 Julie vanjaar.

Die byeenkoms is met Helmie se eggenote, Amanda se goedkeuring as huldeblyk aan Helmie aangebied. Helmie en Amanda se drie seuns, Andrew, Wilhelm en Hugo was teenwoordig, asook Helmie se broer en skoonsuster, Thys en Marié de Vries van Franskraal. Koelenhof Wynkelder (sinoniem met Helmie), se wyne is deur Wilhelm (Rooiwynmaker: Koelenhof) bekendgestel en te proe aangebied. Sy broer, Andrew (Algemene Bestuurder: Koelenhof) het hom bygestaan. Die oudste broer, Hugo, is ‘n tandarts in Parklands - “iemand in die gesin moet na die wyntande omsien!”

Die eerste groep wyne wat geproe is, is: Koelenbosch Sauvignon Blanc, Koelenhoffer (Sauvignon Blanc), Koelnektar (Gewurztraminer) en Koelenberg (droë Rooi). Die tweede groep is: Koelenbosch MCC Pinotage Rose, Koelenhof Wynkelder Pinotage Rose Vonkelwyn, Koelenhof Wynkelder Pinotage Rose, Koelenbosch Pinotage en Koelenhof Wynkelder Pinorto (Port).

Die gaste het die wyne deur-gaans met hoë toekennings aangeslaan. Hulle is ook met Koelenhof-geskenkies bederf. Sjef Chris Pead van die Great White House se spyskaart was vingerleklek-ker, met ‘n smaaklike voor-gereg, hoofgereg en nagereg.

Die tafelbediening deur Elizabeth Tobias en Charmo-nique Sauls was flink en puik. Gansbaai Wynproe-gilde is 6 jaar gelede op Dinsdag, 11 November 2008 deur Helmie gestig, wat vir die volle tydperk as voorsitter gedien het. Hy is allerweë as ‘n besonderse mens beskryf, veral met verwysing na sy aktiewe gemeenskapsbetrokkenheid. Helmie se vader, Hugo de Vries, het Koelenhof Wynkelder in 1941, sowat 73 jaar gelede, begin en dit is waar Helmie sowat 5 jaar later op 4 Desember 1946 gebore is - dus is hy gebore en getoë tussen die wyne van Koelenhof Wynkelder. Met verloop van tyd het Helmie die verantwoordelikhede van Algemene Bestuurder by sy pa oorgeneem. In Desember 2006 het hy en Amanda in Franskraal kom aftree, maar hy het steeds aktief en bedrywig gebly. Helmie se groot vreugde en trots was altyd dat Andrew en Wilhelm die voortbestaan van die De Vries-familie se Koelenhof-tradisie as die derde De Vries-geslag sal verseker.

‘n Hoogtepunt vir Helmie was op 6 Oktober 2012 toe hy op ‘n besonderse wyse vereer is met Veritas se toekenning as een van 2012 se Veritas Legendes. Gansbaai Wynproegilde se gewilde wynproe-tradisie wat deur Helmie nagelaat is, sal steeds maandeliks deur Amanda en andere voortgesit word.

Hardus Botha

Spesiale Wynproe

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Marine Big 5 Tours  - 18 January 2018

Marine Big 5 Tours - 18 January 2018

We had two trips out today, one in the late morning on our smaller vessel Whale Whisperer, and second on Dream Catcher...

Fixed Term Contracts - Playing with Fire

Fixed Term Contracts - Playing with Fire

Fixed term contracts are often greatly misunderstood and employers should be cautious when using this form of contract for anything else than it's intended purpose.

Labour Direct
Feedback stargazing evening (13/01/2018)

Feedback stargazing evening (13/01/2018)

The small amount of cloud as the Sun disappeared below the western horizon did not put a damper on the Club's first stargazing...

Blog Update - 11 January 2018

Blog Update - 11 January 2018

Another early launch for Slashfin and as we headed out to sea, excited for what the day may bring...

January colour is brown - #GansbaaiInColour

January colour is brown - #GansbaaiInColour

With a new month and year comes a exciting new colour for our Instagram competition - Brown.

See All Articles