Na alles moet ons HOOP he

Na alles moet ons HOOP he

Gansbaai Courant

“Toe daar geen hoop meer was nie, het Abraham nog gehoop en geglo, en so die vader van baie nasies geword volgens die belofte: “So sal jou nageslag wees. ”Al was hy sowat honderd jaar en al het hy dus goed besef dat sy liggaam reeds gedaan was en dat Sara te oud was om kinders te hê, het sy geloof nie verswak nie. Hy het nie in ongeloof begin twyfel aan die belofte van GOD nie, maar hy is in sy geloof versterk en het aan GOD die eer gegee.”  (Rom 4:18-20)

Die dag as jy hoop opgegee het, is alles verby. As jy niks het om na uit te sien en glad nie meer hoop vir die toekoms oorhet nie, is jy dood. Ons kan baie by die plaaslike vissermanne leer oor Christelike hoop. Dis mos baie beter om met hoop te hengel as om vis te vang, is dit nie? Elke keer wat ’n visserman ’n trae byt kry raak hy optimisties.  Vra net vir ’n visserman of hy al iets gevang het en hy sal jou gou antwoord:  “Wag net ’n bietjie! Ek dink ek voel iets!” As die lyn dan slap word sê hy: “Toemaar, hy sal weer kom!” Ja-nee, ’n visserman het altyd hoop!

Het jy geweet dat jou gees totaal en al afhanklik is van hoop?  Jy kan dalk 40 dae sonder kos bly, 8 dae sonder water, 7 minute sonder suurstof – maar nie één minuut sonder hoop nie! Sonder hoop het jy geen verwagting vir die toekoms nie; geen begeerte na ’n beter môre nie en geen geloof dat die volgende gooi ’n “grote” gaan oplewer nie.

Die Bybel sê dat die Christelike lewe gebou is op hoop. Daar bestaan nie iets soos ’n hooplose Christen nie. “U, HERE, U is my hoop, op U, HERE, het ek van jongs af vertrou.... ek sal gedurigdeur bly hoop, ek sal U altyd weer loof.”  (Ps. 71:5,14)  Dis met hoop dat gelowiges die toekoms aanpak – want hulle glo GOD en Sy beloftes. Soos Abraham, Moses, Josef, Dawid en ja, Jesus, moet ons op GOD vertrou en met hoop en verwagting uitsien na wat GOD nog in die toekoms vir ons gaan laat gebeur – alles ten goede! (Rom. 8:28).

Jy moet vandag kies – vir hoop! Kyk terug en sien raak hoe GOD elke oomblik van jou verlede gesorg het vir jou. Moenie dit vergeet nie. Kyk boontoe en sien raak dat GOD die hemel en aarde beheer. Kyk vorentoe en weet Hy het die toekoms in Sy Hand. Kyk rondom jou en jy sal sien GOD se engele is orals rondom jou. Kyk  na binne en weet dat jou geestesgesondheid gebou is op geloof, hoop en liefde!  Hou vas aan die hoop!

Na alles moet ons HOOP he

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Ladies Pizza-'n-Wine Evening

Ladies Pizza-'n-Wine Evening

Wednesday, 25 October 2017.

Pieta's Restaurant
New: Coffee in a cone

New: Coffee in a cone

The worlds most instagrammable coffee!

Tuscany Coffee Shop
African Penguin Awareness Day

African Penguin Awareness Day

Celebrating African Penguin Awareness Day.

Legal Snippets

Legal Snippets

FAILING TO DISCLOSE OR PUBLISH YOUR COMPANY'S STATUS ON CORRESPONDENCE AND ELECTRONIC COMMUNICATION.

Richards Attorneys
Bio-Curcumin Now Available

Bio-Curcumin Now Available

Bio-Curcumin now available at Tranquility Wellness Spa!

Great Review

Great Review

One for Gansbaai and its PEOPLE.

Blue Goose
See All Articles