Coenie Groenewald, Munisipale Verkiesingsbeampte vir Overstrand, het by navraag gemeld dat die tussenverkiesings in wyke 2 (Gansbaai), 5 (Zwelihle) en 7 (Sandbaai) op Woensdag, 26 November 2014, plaasvind.
Die afsnydatum en -tyd vir die indiening van nominasies vir kandidate in die tussenverkiesings is Maandag, 3 November 2014 om 17:00. Die lys van goedgekeurde wykskandidate sal op 10 November 2014 bekendgemaak word.
Nuwe kiesers in die betrokke wyke het die geleentheid om op 18 en 19 November 2014 (vanaf 08:00 tot 17:00) by die onderskeie stemlokale in die betrokke wyke, of daagliks gedurende gewone kantoorure by die OVK se plaaslike kantoor te Kantoor 4A, Twin Gables, Hoogstraat 26, Hermanus (Tel nr: 028-312 1464/5), te registreer. Die betrokke kieserslyste sluit op Vrydag, 24 Oktober 2014 om 17:00.
Kiesers wat om die een of ander rede nie op Woensdag, 26 November 2014, by die onderskeie stemlokale kan gaan stem nie, kan om 'n spesiale stem aansoek doen. Sodanige kiesers kan dan op Dinsdag, 25 November 2014, hul stem by die onderskeie stemlokale uitbring. Kiesers wat van weë 'n gebrek of fisiese ongesteldheid nie die stemlokale op 26 November 2014 kan besoek nie, kan ook om 'n spesiale stem aansoek doen en sal deur OVK personeel op Dinsdag, 25 November 20147, tuis besoek word sodat hul hul stemme kan uitbring.
Aansoeke vir spesiale stemme kan vanaf 8 November 2014 tot 14 November 2014, om 17:00, by die plaaslike kantoor van die OVK ingehandig word.
Coenie Groenewald
