Wag jy ook vir daardie oproep

Wag jy ook vir daardie oproep

Gansbaai Courant

 “Kyk, Ek staan by die deur en Ek klop. As iemand my stem hoor en die deur oopmaak, sal Ek by hom ingaan en saam met hom die feesmaal hou, en hy saam met My.” (Open. 3:20)

Ken jy dáárdie gevoel as jy wag vir ’n belangrike oproep? Dalk het jy aansoek gedoen om ’n werk en jy moet hoor of jy die betrekking gekry het. Dit kan dalk wees dat jy bekommerd is oor jou kinders vêr in die vreemde en jy hoor niks van hulle nie. Miskien is jy die man of vrou wat deur jou geliefde verlaat is en jy sit angstig en wag en kyk na jou selfoon of daar nie tog weer ’n oproep gaan deurkom nie. Dalk onthou jy nog jou skooldae toe jy gehoop het die afrigter bel en sê jy het plek in die span gekry.

Ons almal wil tog maar voel dat iemand ons nodig het, of ons gaan bel om te hoor hoe dit met ons gaan. Wat erger is as die wag, is die teleurstelling as die dag verby is en jy moet gaan slaap sonder dat iets gebeur het. Dis baie moeilik om só ’n situasie te verwerk. Dalk is Psalm 4:5 hier ’n antwoord: “As jy ontsteld raak, moenie sondig nie; dink in stilte daaroor na as jy gaan lê, en laat dit daarby!”  Dis ’n kuns wat ons moet aanleer en dit werk beslis: Om enige onafgehandelde taak of situasie netjies toe te vou en dit aan die HERE oor te gee. Jy moet besef Hy is in beheer – en Hy weet die beste en watter tyd is die beste!

Tog is daar één oproep waarvoor jy nooit moet ophou wag nie. Dit is wanneer die HERE Jesus aan jou deur kom klop en jou nooi om saam met Hom maaltyd te hou. (Open. 3:20) Ja, ons HERE Jesus wil graag saam met Sy kinders leef en hulle lewe met hulle deel. Hy wil deel wees van jou huislike lewe, jou werk, jou skool en jou ontspanning. Pasop dat jy nie te besig raak met jou eie lewe en glad nie daardie klop aan jou deur hoor nie! Want, jy sien, die deur kan net van die binnekant af oopgemaak word, van jou kant af! GOD klop en jy moet oopmaak! GOD roep en jy moet antwoord. Sy arms is uitgestrek na jou – maar jy moet self in sy arms inhardloop!

Die volgende keer as jy vir ’n belangrike oproep wag – dink bewustelik daaraan dat GOD jou ook bel, of roep, of uitnooi, om die res van jou lewe hier op aarde en die hele ewige lewe, saam met Hom te wees! Hoor jy dáárdie selfoon lui? Antwoord gou – dis dalk die HERE!

Wag jy ook vir daardie oproep

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Wake Up and Build It

Wake Up and Build It

Stop dreaming. Wake up and Build it.

Gansbaai Build It
The Secret Shark Wedding

The Secret Shark Wedding

The secret wedding at sea.  Jonathon asked Masha for her hand in marriage and as soon as she accepted, she was to be married. 

Grootbos wins WTM Responsible Tourism Award

Grootbos wins WTM Responsible Tourism Award

The past weekend saw the World Travel Market gather for the annual WTM Responsible Tourism Awards.

Marine Dynamics Receives Award at World Travel Market in London

Marine Dynamics Receives Award at World Travel Market in London

South Africa and Gansbaai remained in the spotlight at the World Travel Market London 2017.

Earning our colours, a quick guide to our age

Earning our colours, a quick guide to our age

This is a quick guide to assist you with African penguin age identification tips.

Build It Has a New Website!

Build It Has a New Website!

The Build It group has launched a new website!

Gansbaai Build It
See All Articles