Skrif aan die muur

Die Birkenhead Boothengelklub se maandelikse kompetisie op 11 Oktober 2014 was met die King of the Bay Boothengelkompetisie gekombineer. Die Birkenheaders was die gasheerklub en het ook die King of the Bay Wisseltrofee gewen. Terselfdertyd het die kompetisie ook as interne kompetisie vir die Birkenheaders gedien. Net drie van Birkenhead Boothengelklub se bote, met ‘n totale bemanning van 9 het ingeweeg, met een wat probleme op see opgedoen het en ‘n bydrae van slegs 1.8kg kon lewer. 5 verskillende spesies is ingeweeg en die totale aantal vis was 51 met 'n totale massa van 74.32kg, wat ‘n gemiddeld van 8.26kg per hengelaar beteken.

Volledige uitslae is soos volg:

swaarste vis, Lulof Doyer (Geelbek - 5.55kg);
2de swaarste vis, Johan Burmeister (Geelbek - 5.45kg);

swaarste sak, Lulof Doyer (4 spesies - 23.92 punte);
2de swaarste sak, Johan Burmeister (3 spesies - 20.46 punte);

swaarste bootgemiddeld, Nu-Nu van Johan Burmeister (5 spesies - 24.61 punte);
2de swaarste bootgemiddeld, Relêks 2 van Jean Downing (2 spesies - 7.52 punte).

Dame swaarste sak, Dixie Walsh (2.40 punte).

Die 1ste 3 voorlopers in die onderskeie kategorieë is:

Bootkampioen - Nu-Nu van Johan Burmeister (72.69 punte);
Relêks 2 van Jean Downing (39.80 punte);
Laura 2 van Raymond Rabe (26.30 punte).

Mans Visvangkampioene -
Johan Burmeister (65.28 punte);
Jean Downing (39.62 punte);
Jean Downing (39.26 punte);

Dames Visvangkampioen - Dixie Walsh (17.26 punte).

Dus blyk die skrif aan die muur te wees vir die einde van die jaar se prysuitdelingsfunksie. Die klub se Algemene Jaarvergadering is vir Vrydag, 14 November 2014 bepaal en die Jaareindfunksie en prysuitdeling vir Saterdag, 15 November 2014.

Kompetisienavrae kan aan Johan Burmeister (wedstrydsekretaris) by 082-895-7647 gerig word en Klubnavrae aan Philip Fourie (voorsitter) by 082-747-3634.

Hardus Botha

‘n Gesellige oomblik tydens die inweeg van vis by die Birkenhead Boothengelklub
Johan Burmeister met sy geelbekke op sy boot Nu-Nu, waarmee hy en Lulof Doyer die pryse vir die swaarste visse, -sak en -bootgemiddeld ingepalm het