“Die toer was ‘n belewenis wat nie een van ons ooit sal vergeet nie,” vertel Sonja Louw en Amy Hatting van Laerskool Okkie Smuts se Gr7’s.
“Die ‘doop’ as ‘De Denners’ onder die yskoue waterval, die massiewe groot olifante, die waterwêreld, slangpark, kanovaart en ‘Zip lining’ was alles net een groot belewenis.” Hulle sê dat hulle nooit gedink het ‘n uil sal op hulle hande kom sit nie en dit is presies wat gebeur het. Dan vertel hulle dat die Gr 7’s baie by die Martieme museum oor die karveel (snelseilende vaartuig) geleer het en by die ATKV museum oor die Voortrekkers.
Volgens hulle was daar nie ‘n enkele vervelige oomblik tydens die toer nie. “Baie dankie aan al die mense wat die toer vir ons moontlik gemaak het - die herinneringe sal saam met ons oud word!”
Hardus Botha
