Gansbaaiers by AHI Kongres

Gansbaaiers by AHI Kongres

Gansbaai Courant

Twee Gansbaaiers het meer as voldoende redes om baie trots op hulself te voel. Heinrich Jansen, Gansbaai Toerisme se Inligtingsbeampte en Philip Swanepoel, eienaar van Philpotts Consultancy vir internet-onderrig in Wiskunde en Wetenskap, was deel van 20 Top Entrepreneurs landwyd wat deur die Afrikaanse Handels Instituut (AHI) gekies is om die AHI se Nasionale Kongres in Durban by te woon.

Die tema van die kongres was: “Wat is nodig vir besigheid om te floreer?” en die doel was om jong entrepreneurs te identifiseer. Die kandidate moes besigheidsplanne as entrepreneurs opstel en vir beoordeling indien. Die voorbeeld van ‘n besigheidsplan wat aan hulle verskaf is, is ‘n lywige dokument van 5 getikte bladsye, met vereistes van ‘n voorblad, uitvoerende opsomming, besigheidsoorsig, produk, bestuur en veel meer, met etlike vereistes van ondersteunende dokumentasie en bewyse wat aangeheg moes word. Dié twee het met vlieënde vaandels gekwalifiseer en is deur die AHI geborg om die kongres in Durban by te woon.

“Dit was ‘n groot voorreg vir my as Toerismebeampte om só ‘n groot geleentheid te kon bywoon,” vertel Heinrich. “’n Vliegkaartjie is verskaf, 5-ster akkommodasie in ‘n hotel is gereël en die verwelkoming by die lughawe, asook by die hotel was werklik ‘n belewenis gewees.” Altwee van hulle het ‘n tyd gelede ‘n entrepreneurskursus van Gansbaai Sakekamer bygewoon, waar hulle die besigheidsplanne moes opstel.

Dit is dus te danke aan Gansbaai Sakekamer se inisiatiewe en goeie verhoudinge met die AHI wat dit vir hulle moontlik gemaak het om hierdie groot geleentheid te kon benut. “Die aanbiedinge was uiters interessant en leersaam, veral die aanbieding van ‘n jong entrepreneur oor sy ervaringe en waar hy vandag staan, wat ons met ander oë na die besigheidswêreld laat kyk het,” sê Heinrich. “ Ek was ook baie opgewonde om twee ministers te kon ontmoet.”

Philip het alles beaam en beskou die geleentheid wat hulle te beurt geval het as baie spesiaal en ‘n groot voorreg wat nie altyd ‘n mens se pad kruis nie.

Hardus Botha

Gansbaaiers by AHI Kongres

Hardus Botha

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Mid Winter Beach Trails

Mid Winter Beach Trails

Mid Winter in the Overberg and still wonderful weather to ride in.

Serendipity - Villa The Cherry

Serendipity - Villa The Cherry

Do you wanna hear an incredible story? Let me tell you one.. This blog is about how The Cherry came into our live.

Villa The Cherry
Latest addition to Bay Tyre's services

Latest addition to Bay Tyre's services

Bay Tyres now offers exhaust and lubrication services (minor service)!

Bay Tyres
Whale Viewing 2018: A Guide to Boat-based Whale Watching

Whale Viewing 2018: A Guide to Boat-based Whale Watching

The low, bellowing call of a lone Southern Right Whale echoes through the waters of Walker Bay.

Our gentle giants have returned!

Our gentle giants have returned!

W.e had our first official whale trip of the season and as we launched from Gansbaai harbour.

The Strandveld is where...

The Strandveld is where...

Photographic journey, why we love our region...

See All Articles