Unieke Fondsinsameling

Unieke Fondsinsameling

Gansbaai Courant

Die O.M.G.E.E. Puren Bediening in Pearly Beach is ‘n “baba” van O.M.G.E.E. Bediening van ds Deon Kloppers in Gansbaai. “Deon is ons prediker en die Bediening is gedurende Mei vanjaar gestig en ons maak gebruik van die Purensaal in die Pearly Beach Vakansie-oord vir Eredienste en Bybelstudie-geleenthede,” sê Tess de Kock van die gemeente. Tess is ook die organiseerder van die komende fondsinsamelingsprojek wat beplan word. “Dit gaan ‘n bedrywige drie dae in Pearly Beach wees,” sê Tess. “Ingesluit gaan wees: Boeresport, Toutrek, Potjiekoskompetisie, Kosstalletjies en Prysuitdelings wat in die Purensaal sal plaasvind.” Die drie dae behels die volgende:

24 Desember: ‘n Stapkompetisie om 10:00 waaraan verskillende ouderdomsgroepe kan deelneem. Die begin- en eindpunt is by die Purensaal. Die roete loop deur Pearly Beach dorp en is ongeveer 8km lank. Daar is ook ‘n korter roete van ongeveer 6km. Pryse sal uitgeloof word vir die wenners, maar ook vir die beste “stapklere”, die beste gees geopenbaar, die meeste uithouvermoeë en dies meer.

29 Desember: ‘n 4 x 4 roete sal op die plaas van Jan Koekemoer geniet kan word. Stoppunte is op die roete ingebou waar interessante praatjies oor die omgewing gelewer sal word. Die hele familie is welkom, want na afloop van die roete sal daar in die dam-area op die plaas vleisgebraai en geswem word. Eie drink-, eet- en swemgoed moet ingepak word. Vure sal reeds brand wanneer die deelnemers by die dam arriveer. Hulle het ‘n “Master of Arms” aangestel wat deelnemers sal dophou en “boetes” sal ingestel word vir verskeie "oortredings".

Hierdie byeenkoms begin 10:00 en die voertuie vertrek vanaf die Purensaal. Om 18:30 hou hulle ‘n danskompetisie vir jonger deelnemers. Die ouderdomsgroep wissel van 2 tot 14 jaar. Deelnemers moet hulle eie musiek verskaf en kan enige danspassies uitbeeld. Hierdie kompetisie sal by die Wit Muur in die Oord gehou word. Pryse sal uitgeloof word vir die beste danspassies, maar ook vir die kostuums wat die beste by die danspassies pas.

30 Desember: Dié dag skop af met ‘n Boeresportkompetisie om 10:00. Vir elke item sal daar pryse uitgeloof word. Daar sal verskillende kosstalletjies wees, asook ‘n Potjiekoskompetisie wat om 14:00 sal begin. By die Potjiekoskompetisie sal pryse uitgeloof word vir wenners, beste spangees, beste voorbereiding, beste tafel, ensovoorts. Hulle beplan ook ‘n Toutrekkompetisie om 14:00, met pryse aan die wenspan, beste spangees, toutrekker van die dag en andere. Die prysuitdeling begin om 19:30.

“Deelnemers kan nou reeds begin om vir die kompetisies in te skryf,” vertel Tess. “Hou ons advertensieborde in al die nabygeleë plekke dop vir verdere inligting.”

Die onderskeie kompetisies se inskrywingsgelde is as volg: Stapkompetisie R10.00; 4 x 4 Roete R150.00/voertuig; Dans-kompetisie R20.00; Kosstalletjies en Potjiekoskompetisie is beskikbaar teen R100.00 per inskrywing. Spanne wat vir die Toutrekkompetisie inskryf moet R100.00 per span opdok. Die Boeresportkompetisie sal R10.00/volwassene en R5.00/kind per item beloop. “Ons beoog om hierdie projek ‘n jaarlikse instelling te maak,” sê Tess.

Navrae kan aan haar by 071-840-8031 gerig word, of stuur ‘n e-pos aan haar by deondk57@gmail.com.

Hardus Botha

Unieke Fondsinsameling

Hardus Botha

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Serendipity - Villa The Cherry

Serendipity - Villa The Cherry

Do you wanna hear an incredible story? Let me tell you one.. This blog is about how The Cherry came into our live.

Villa The Cherry
Latest addition to Bay Tyre's services

Latest addition to Bay Tyre's services

Bay Tyres now offers exhaust and lubrication services (minor service)!

Bay Tyres
Whale Viewing 2018: A Guide to Boat-based Whale Watching

Whale Viewing 2018: A Guide to Boat-based Whale Watching

The low, bellowing call of a lone Southern Right Whale echoes through the waters of Walker Bay.

Our gentle giants have returned!

Our gentle giants have returned!

W.e had our first official whale trip of the season and as we launched from Gansbaai harbour.

The Strandveld is where...

The Strandveld is where...

Photographic journey, why we love our region...

Top five reasons you need an Ubiquiti Unifi wireless access point

Top five reasons you need an Ubiquiti Unifi wireless access point

Ubiquiti’s Unifi wireless access points are the go-to tech item for any homeowner and business.

The Computer Hut
See All Articles