Gansbaai Primêr se leerders het hulself deeglik op akademiese-, sport- en kulturele-vlakke gedurende 2014 bewys.
Etlike trofeë is oorhandig en daar was geen einde aan die trotse glimlagte nie. Vanaf Gr 1 deur tot by Gr 7 (alle klasse), is die drie beste presteerders op akademiese gebied uitgelig en met sertifikate vir hul harde werk beloon. Dit geld ook vir karaktereienskappe soos voorbeeldige gedrag, hulpvaardig-heid, goeie dissipline, leierskap en beste vordering.
Die Toppresteerders op akademiese vlak is die volgende leerders: Grondslagfase: Anroleen Mouries (Gr 1); Catherine Minnie (Gr 2); Tsoanelo Haarhoff (Gr 3). Intersen: Tazneen Baartman (Gr 4); Kaylin Robertson (Gr 5); Aliya Prins (Gr 6) en Mertale Jacobs (Gr 6), met Mertale wat ook die Trofee vir die Intermediëre Fase verower het; Izaan Newman (Gr 7). Die senior leerder wat in geheel uitgeblink het, is Izaan Newman: Prinsipaal-toekenning; Dux-leerder; Akademiese Ereklere; Trofee vir Senior Fase.
Op kultuurgebied is dit Izaan Newman (Marimba), Elisa Arendse (Koor) en Sophia Kees (Eko). Die Sportvrou van die Jaar is Allison Tobias en die Sportman van die Jaar is German Lewis. Spelers van die Jaar is: Netbal o/11 - Ashleen Slabbert; Netbal o/12 - Maryke Willemse; Netbal o/13 - Chrissandra Pietersen; Rugby o/9 - Carlos Booysen; Rugby o/11 - Deemo Baardman; Rugby o/13 - Lindon Dyk; Landlope - German Lewis. Gansbaai Primêr se prefekte vir 2015 is: Mertale Jacobs (Hoofdogter), Jemile Sauls (Hoofseun), Codi Valentine (Onderhoofdogter) en Hubern Visser (Onderhoofseun), saam met hulle span: Aliyah Prins, Allison Tobias, Breyton Vries, Cameron Jacobs, Charmus Bell, Daylen Tobias, Desmare Sauls, Mershin Fick, Paul Appel en Peter Niemand.
Gansbaai Courant wens al die presteerders, asook die prefekte, van harte geluk!
Hardus Botha
