OMR Ambulans baat by Gansbaai Marine

OMR Ambulans baat by Gansbaai Marine

Gansbaai Courant

Gansbaai Marine se “beursie” is onlangs vir die soveelste keer oopgemaak. André Coetzee, Besturende Direkteur, het ‘n tjek ten bedrae van R15,000 aan Cassie Carstens van Overstrand Medical Response (OMR) in Gansbaai oorhandig.

“Ek het kennis geneem van een van julle ambulanse wat stukkend is en het besluit om fondse vir die herstel daarvan te bewillig,” het André gesê. Cassie het intussen bevestig dat die ambulans, waarvan die enjine onklaar geraak het, reeds vir herstel ingestuur is en die geld vir die kostes is reeds oorgeplaas. Vakansiegangers kan gerus kennis neem dat, behalwe vir werkverskaffing en die verwerking van Gansbaai Vissermanne se vangstes, Gansbaai Marine bekendstaan vir jaarlikse groot donasies aan skole, kerke en liefdadigheidsorganisasies.

“Overstrand Medical Response is bekend in Gansbaai en omgewing vir flink en staatmaker diens wat gelewer word en daarom is dit ‘n voorreg om hulle op hierdie wyse te kan ondersteun,” het André gesê. Voorheen het Gansbaai Marine R10,000 bewillig vir die ou Lions-ambulans wat aangekoop is. Overstrand Medical Response se personeel bestaan tans uit Cassie Carstens, Chantell Buys, Kobus van der Merwe, Riaan Buys en Bea Coetzee (‘n Eerstehulp Vrywilliger). Hulle beskik oor twee reaksie-voertuie en twee ambulanse wat die gebied bedien. Inwoners en vakansiegangers kan sonder twyfel weet dat hierdie groepie bekwame mense met hul noodvoertuie paraat is vir die feesseisoen. Kennis kan geneem word dat Overstrand Medical Response ‘n Privaat Ambulansdiens is wat geen subsidie of gelde vanaf enige persoon ontvang nie, hetsy die regering of private persone.

“Daarom het ons ‘n vaste uitroepfooi vir enige uitroepe, asook ‘n vervoerfooi indien u na ‘n hospitaal vervoer moet word,” sê Riaan. “Die goeie nuus is egter dat, indien ‘n persoon oor ‘n Mediesefonds beskik, dat die fonds vir die ambulansvervoer betaal, maar ongelukkig nie vir die uitroepfooi nie.”

Kontaknommers vir vakansiegangers is 078-699-6995 (Noodgevalle), terwyl algemene navrae aan Riaan Buys by 083-881-3631 gerig kan word.

Hardus Botha

OMR Ambulans baat by Gansbaai Marine

Hardus Botha

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Mid Winter Beach Trails

Mid Winter Beach Trails

Mid Winter in the Overberg and still wonderful weather to ride in.

Serendipity - Villa The Cherry

Serendipity - Villa The Cherry

Do you wanna hear an incredible story? Let me tell you one.. This blog is about how The Cherry came into our live.

Villa The Cherry
Latest addition to Bay Tyre's services

Latest addition to Bay Tyre's services

Bay Tyres now offers exhaust and lubrication services (minor service)!

Bay Tyres
Whale Viewing 2018: A Guide to Boat-based Whale Watching

Whale Viewing 2018: A Guide to Boat-based Whale Watching

The low, bellowing call of a lone Southern Right Whale echoes through the waters of Walker Bay.

Our gentle giants have returned!

Our gentle giants have returned!

W.e had our first official whale trip of the season and as we launched from Gansbaai harbour.

The Strandveld is where...

The Strandveld is where...

Photographic journey, why we love our region...

See All Articles