Birkenheaders spook steeds

Die eerste boothengelkompetisie vir 2015 (13 Desember 2014) van die Birkenhead Boothengelklub het swakkerig afgeskop, met die tweede kompetisie op 3 Januarie 2015 wat nie veel beter verloop het nie.

Johan Burmeister, Wedstrydsekretaris se nuutste opmerking is: “As iemand dalk weet van ‘n goeie stel rolbalballe, laat weet my aub - ek kan maar net sowel gaan rolbal speel in plaas van visvang!”

Vir die Januarie-kompetisie het 7 bote ingeskryf, waarvan 5 ingeweeg het, met ‘n totale bemanning van 23. Drie spesies is ingeweeg en die totale aantal vis is 64, met 'n totale massa van 45.3kg, wat ‘n gemiddeld van 1.97kg per hengelaar beteken.

Volledige uitslae is soos volg: swaarste vis, De Wet Gilliomee (wit steenbras - 5.3kg, foto: Gansbaai Courant, 8 Januarie 2015); 2de swaarste vis, Jean Downing (rooi roman - 2kg); swaarste sak, Jean Downing - 6.9kg; 2de swaarste sak, De Wet Gilliomee - 5.85kg; swaarste bootgemiddeld, Oupa van Ben Uys - 3.738kg; 2de swaarste bootgemiddeld, Relêks 2 van Jean Downing - 3.275kg. Dixie Walsh het vir die swaarste damesak (2.7kg) gesorg, met JP Uys met die junior swaarste sak (5.05kg). Die 1ste 3 voorlopers in die onderskeie kategorieë vir 2015 is: Bootkampioen - Kayalami van Cederic van der Vyfer (6.34kg); Oupa van Ben Uys (5.40kg); Relêks van Jean Downing (4.55kg). Mans Visvangkampioene - Jean Downing (9.60kg); Ben Uys (6.40kg); Danie Fourie (6.20kg). Dames Visvangkampioen - Dixie Walsh (2.7kg). Junior Visvangkampioene - JP Uys (7.55kg) en Hennie Groenewald (1.45kg).

Kompetisienavrae kan aan Johan Burmeister (wedstrydsekretaris) by 082-895-7647 gerig word en Klubnavrae aan Philip Fourie (voorsitter) by 082-747-3634, met Ralph Gibbs vir saalverhuring by 083-561-6917.

Hardus Botha

Regs is JP Uys, Juniorvoorloper, met sy vangstes, met ‘n besoekertjie vanaf Pretoria, Simeon Botha wat toekyk en voorsitter Philip Fourie regs
Nog ‘n nuwe Juniorlid van die klub, Hennie Groenewald tydens die inweegsessie