Met verwysing na die Gansbaai Lionsklub se jaarlikse Dangerpoint Halfmarathon op Oujaarsdag, waaroor reeds berig is, wil die organiseerders graag hul opregte dank en waardering teenoor alle borge, helpers en ondersteuners (alfabeties) uitspreek.
Hulle is B-Blondes, Birkenhead Brewery (Chris Boshoff), Blue Goose Restaurant, Build-it, Fynbos Shoppe, Gansbaai Discount Liquors, Gansbaai OK Foods (Chris & Petra), Gansbaai Verkeer (Tony en sy manne), Hermanus Liquor Store, Janna’s Country Kitchen, Midas, Tolbos Bistro, Tuscany, Walkerbay Drankwinkel en Wessel (druk van inskrywings).
“Ons opregte dank en waardering teenoor almal wat tot dié dag se sukses bygedra het,” het Lionpresident, Boats van Staden weer gesê. Kennis kan ook geneem word van Gansbaai Lions se volgende groot aanbieding: Die jaarlikse Lighuis tot Lighuis Bergfietswedren.
Vanjaar vind dit plaas vanaf Saterdag, 7 Februarie 2015 tot Sondag, 8 Februarie 2015. Dit bied twee dae se onvergeetlike ervaring in van die mooiste natuur- en kusgebiede van die Overberg en Agulhas aan die deelnemers.
Boats bevestig dat hierdie projek ook aangebied word met die uitsluitlike doel om fondse in te samel vir aanwending in die gemeenskap waar daar indringende en ernstige behoeftes bestaan.
Die deelnemers vertrek die Saterdagoggend vanaf die Dangerpoint Vuurtoring en spook sake kuslangs uit tot by die Agulhas Vuurtoring vir die eerste been van die wedren. Saterdagaand word daar ontspan en Sondagoggend word die tweede been aangedurf - terug na Dangerpoint.
Inskrywings kan op die webtuiste, www.entrytime.com, gedoen word. Vroegtydige inskrywings is van groot belang, aangesien daar slegs 200 toegelate inskrywings is.
Enige navrae kan aan Lionpresident Boats van Staden by 072-789-3627 gedoen word, of skakel vir Lion Gert Louw by 072-475-7256 (na ure). ‘n E-pos kan ook aan leo1052@telkomsa.net gestuur word.
Hardus Botha
