Die Bron se nuwe Skoolhoof

Die Bron se nuwe Skoolhoof

Gansbaai Courant

 “My persoonlike visie is om kwaliteit onderwys aan alle leerders te voorsien sodat elkeen van hulle tot volle potensiaal as volwassenes sal kan ontwikkel,” sê Laerskool Die Bron in Stanford se nuutaangestelde skoolhoof, Lionel Pedro.

“Voorts wil ek daarna strewe om ‘n positiewe skoolklimaat deur middel van ‘n doeltreffende en funksionerende instansie te skep - en daarmee saam die uitbou van ‘n skooltrots onder leerders.” Lionel is aangestel ná die uitdienstrede van Sybill October op 30 September 2014, ná sowat 47 jaar as opvoeder by dié skool, waarvan die laaste 20 jaar as skoolhoof. Op Woensdag, 21 Januarie is die ouers en leerders aan die nuwe skoolhoof voorgestel en die geleentheid is deur mnr B Loriston (Direkteur: Overberg) en mnr Dudley Coetzee (Wykraadslid) bygewoon. “Nog eregaste tydens die geleentheid was voormalige opvoeders, asook twee voormalige skoolhoofde, mnr. WT Appel en me SG October en hulle is deur hul gades vergesel,” het mnr Coetzee gesê. Lionel is in Knysna gebore en het daar grootgeword, waar hy aan die Knysna Sekondêre Hoërskool matrikuleer. Sy studieloopbaan spreek boekdele: Hoër Onderwys Diploma (HOD) aan die Onderwys Kollege in Worcester; Diploma in Onderwysbestuur aan die destydse Randse Afrikaanse Universiteit (RAU); Honneursgraad aan die Universiteit van Stellenbosch in Kurrikulumstudies; Projekbestuur aan die Nelson Mandela Metropliaanse Universiteit (NMMU) in Port Elizabeth. Hy beklee sy eerste onderwyspos aan Laerskool Knysna in 1995, daarna aan die Knysna Sekondêre Hoërskool vanaf 1996 tot 2003, waar hy ook as Departementshoof aangestel word. Vanaf 2004 tot 2010 is hy by projekte in die George Distriks Onderwyskantoor vir 4 jaar betrokke, waarna hy weer by die Concordia Hoërskool in Knysna aangestel word tot en met 2014.

Tussendeur al sy bedrywighede het Lionel ook by die Noordwes Universiteit se George Kampus klas gegee aan onderwysers wat hulself verder wou bekwaam.  “Mens kan sê ek het in ‘n ‘onderwyshuis’ grootgeword met my ma wat ‘n onderwyser was, maar net ek en my een broer het in haar voetspore gevolg,” sê Lionel. Die broer waarna hy verwys is ‘n bekende onderwyser in Gansbaai, Neil Pedro, wat tans die Adjunkhoof van Gansbaai Primêr is.

Lionel se stokperdjies is sonder twyfel goeie afleiding vir veeleisende onderwystake - die bywoning van veilings en besoeke aan tweedehandse winkels met oudhede. Tans is daar 16 leerkragte in Laerskool Die Bron, met sowat 500 leerders en klasse wat op twee bene staan - Afrikaans en Engels (waarby Xhosa ingesluit is). Ná vele jare se studies en ervaringe, wag daar nou ‘n nuwe uitdaging as Laerskool Die Bron se skoolhoof op Lionel - ‘n uitdaging waarna hy met entoesiasme uitsien.

Hardus Botha

Die Bron se nuwe Skoolhoof

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

December 2017 SUMMER EVENTS!!!!

December 2017 SUMMER EVENTS!!!!

DECEMBER 2017 SUMMER EVENTS!!

Johnny's the Party Pub
Property for sale in Kleinbaai

Property for sale in Kleinbaai

Family home in lush green surroundings for sale.

Seeff
The De Hoop bucket list for 2018

The De Hoop bucket list for 2018

Your 2018 bucket list with 12 memorable things to do at De Hoop. An experience you will never forget!

De Hoop Collection
Nurdle Hunt

Nurdle Hunt

Our DEEP kids went out Nurdle Hunting...

Shining the light on marine pollution with VW and DICT

Shining the light on marine pollution with VW and DICT

To create awareness for the conservation efforts of the Dyer Island Conservation Trust...

DIY: Glazing a Window

DIY: Glazing a Window

An errant ball, a hurled stone, or a falling branch is all it takes to end the life of a windowpane.

Gansbaai Build It
See All Articles