Die Valentyns kys

Die Valentyns kys

Gansbaai Courant

“Carine Badenhorst se humoristiese praatjie het ons na ons eie Valentynsdae en die “kys-stories” laat terugdink,” vertel Elizma de Lange van die Bietoubos Damesklub van Perlemoenbaai en De Kelders. “Al was die sogenaamde ‘kys’ soms net as hy jou hand so terloops en sonder om iets te sê, ná skool vasgehou het!”

Carine het tydens hulle Februarie-byeenkoms as gasspreker opgetree en met die dames oor ontmoetings, verhoudings en uiteindelik oor sielsgenote gepraat. “Daar is dié sielsgenoot met wie jy jou gedagtes spontaan kon deel as jul bymekaar uitkom, al was dit glad nie gereeld nie; dan dié een wat met tussenposes onverwags met ‘n bos blomme opgedaag het; en dan dié een wat miskien nie so romanties of die spreekwoordelike ridder was nie, maar wat tog altyd daar was, wat ondersteun het en met wie jy uiteindelik die res van jou lewe kon deel,” het Carine onder andere gesê.

Elizma sê die gesigsuitdrukkings van sommige dames het duidelik getoon dat hulle ‘n ver pad in die verlede in hul gedagtes saam met Carine teruggestap het. Daar was ook weer ‘n geluks-lootjietrekking vir vonkelwyn en sjokolade, met Carina de Waal wat dit gewen het. “En dit was baie spesiaal dat sy dit moes wen, aangesien dit haar en De Waal se huweliksherdenking was,” sê Elizma.

‘n Bietoubosbyeenkoms sonder verversings sal nooit ‘n Bietoubosbyeenkoms kan wees nie. Die hartjie-southappies (Enna Lotz) op die tafels en die vrugteslaai met roomys, ingesluit die aangename geselskap, het alles tot ‘n feestelike viering van die lewe en die liefde bygedra.

Die Bietoubossers se volgende byeenkoms is op 10 Maart, wanneer daar onder andere na Paasversierings gekyk gaan word. Glenda Kitley, Bestuurder: Gansbaai Toerisme, sal die dames dan ook inlig oor Gansbaai Toerisme se groot planne vir 2015.

Belangstellende dames van De Kelders, Perlemoenbaai of Gansbaai wat meer inligting verlang of wat wil aansluit, kan die voorsitter, Annette van Zyl by 028-384-1075 kontak, of skakel vir Elizma de Lange by 028-384-1963.

Hardus Botha

Die Valentyns kys

Gansbaai Courant

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

Holiday Operating Hours

Holiday Operating Hours

Our operating hours from 15 December 2017 until 7 January 2018. 

Lemos Laundry
The Nokia 3310 now in stock!

The Nokia 3310 now in stock!

Now in stock!! R900.

Overcell
Summertime... And The Living Is Easy!

Summertime... And The Living Is Easy!

As the year draws to a close, we at the Gansbaai Tourism Bureau would like to take this opportunity to thank visitors and locals...

December 2017 SUMMER EVENTS!!!!

December 2017 SUMMER EVENTS!!!!

DECEMBER 2017 SUMMER EVENTS!!

Johnny's the Party Pub
Property for sale in Kleinbaai

Property for sale in Kleinbaai

Family home in lush green surroundings for sale.

Seeff
The De Hoop bucket list for 2018

The De Hoop bucket list for 2018

Your 2018 bucket list with 12 memorable things to do at De Hoop. An experience you will never forget!

De Hoop Collection
See All Articles