Die afgelope naweek was weer 'n groot naweek vir Overberg Bootklub. Dit was ons 2de WP Hengelkompetisie vir die jaar, maar ook ons 1ste Suidbeen wat op Struisbaai gehengel is.
Van ons klub het daar 5 bote deelgeneem, met skippers DP Buger, Wayne Middleton, Thys Louw, Lukas Holtshauzen en Gustav Groenewald. Die bemanning was voltallig en die see gunstig vir lekker hengel. Ek glo nie daar was 'n persoon wat nie 'n vis ingebring het nie. Die kompetisie het soos gewoonlik vroegoggend afgeskop en lyne-op was 4uur die middag.
By die skaal het dit gekook en daar is mooi vis ingeweeg. Kabeljou, geelstert, rooi roman, rooistompneus en tuna het hul verskyning by die skaal gemaak. Een van die visse het dit tot by die skaal gemaak, maar kon nie weeg nie omdat die helfde van die vis deur 'n haai afgevat was. Dankie aan almal wat deelgeneem het.
Ons sien uit na die volgende byeenkoms te Struisbaai, die naweek van 21 Maart.
Riaan van Staden