Veiliger ingang by Kleinbaaihawe

Veiliger ingang by Kleinbaaihawe

Gansbaai Courant

 ‘n Paar jaar terug is daar by die verantwoordelike liggaam (“slip”-komitee)  voorgestel dat die ingang by Kleinbaaihawe so verander word dat dit veiliger is om daar die hawe binne te vaar. Die nodige planne is destyds aanvaar en goedgekeur, ongelukkig is daar op die ou end besluit om nie daarmee voort te gaan nie. Ek dink steeds dat die toepassing  daarvan sin sal maak en uitgevoer behoort te word.

Destyds was die argument daarteen dat die ligte wat gebruik gaan word in dik mis nie effektief sal wees nie. ‘n Ander argument was dat ‘n skipper homself eers moet vergewis van plaaslike toestande voordat hy sy boot hier gebruik. Nou wil ek graag weer die teenoorgestelde probeer uitwys. Dis heeltemal waar dat dik mis sommige ligte oneffektief sal maak. Maar wat van die baie voordele tydens ander tye wat dit wel, as ‘t ware, onmisbaar maak?  Hoeveel ander skippers wat van Kleinbaai gebruik maak het die tyd om hulle self behoorlik van plaaslike omstandighede te vergewis en dit beteken nie die skipper is onverantwoordelik nie. Die plaaslike skippers, en natuurlik die haaibote kom goed reg sonder dat hulle hoef staat te maak op verbeterde ingangsmetodes. Maar hierdie mense het gewoonlik ‘n GPS wat uiteraard ‘n groot hulp is, en in elk geval al gewoond is daaraan om die situasie daarsonder te kan hanteer. Dis nou as daar nie onvoorsiene omstandighede is nie. Wie weet nie van die middagson in die oë, stikdonker nagte, en boonop ‘n baie wilde see, ook tye met hoogspring wat die inkom baie riskant maak nie? Wie sal met veiligheid hierdie faktore kan hanteer in geval die GPS dalk ingee of daar ander probleme is. Jy kan nie verwag dat iemand wat nie op datum is met plaaslike omstandighede nie, moet staat maak op huisligte en ander tekens wat die inkom vergemaklik.

Almal wat ken van hier rond sal getuig dat die inkom nie so eenvoudig is as wat dit voorkom nie. Die inkomslag sowel as die uitgaan benodig so ietwat van ‘n rigtingverandering, en dis juis dit wat omstandighede bemoeilik. Die ou hande weer eens, is al so gesout dat hulle die hele operasie sal vereenvoudig en vir baie van hulle is daar nie verandering nodig nie. Somtyds wanneer ‘n skipper moet verseker dat die boot en sy bemanning veilig die hawe binnekom en  hy word  gekonfronteer met gevaarlike omstandighede kan  verbeterde tekens die verskil beteken tussen ‘n ramp en veiligheid. Dit sal nie in alle gevalle die antwoord wees nie, maar daardie een keer wanneer dit help, vir wie ookal, is dit ‘n besliste uitkoms.

Daar is baie voorbeelde wat gebruik kan word (nie noodwendig ligte nie) wanneer besluit moet word oor die toepassing daarvan en ek wil weer eens vra dat daar oorweging daaraan geskenk word  --  voor iets drasties verkeerd loop, en nie daarna nie!  Dit behoort eintlik logies te wees!  Tot volgende keer, Seemeeu

Veiliger ingang by Kleinbaaihawe

Seemeeu

Gansbaai Courant provides the Gansbaai community with the latest in news and interesting stories about and around the area.

View Profile

What is Xplorio?

Xplorio is your local connection allowing you to find anything and everything about a town.

Watch the Gansbaai Video
Read More

Other Articles

The Erica Irregularis

The Erica Irregularis

Located near the southern tip of South Africa, the Cape Floral Kingdom is the most diverse floral kingdom in the world...

Gansbaai Build it Netball Day

Gansbaai Build it Netball Day

Gansbaai Build It will be hosting their first ever Netball Day

Gansbaai Build It
Bucket list stuff!

Bucket list stuff!

Our popular Premium Beach Trail is suitable for all ages and for riders with all levels of experience...

Ready Steady Go

Ready Steady Go

After a well deserved break, we are back & ready to tackle the second half of the year!

Goedvertrou Guest Farm
What happens when inheriting a property?

What happens when inheriting a property?

Questions to ask that will help you make decisions.

Seeff Gansbaai
July Holiday Trails

July Holiday Trails

Make the most of this beautiful weather and book your Beach Trail with us...

See All Articles
Insufficient parameters to getPerm()
/usr/www/users/gansbhvefs/coreframework/api/permissions/perms.php (356)