‘n Bottelneus Dolfyn met ‘n erge besering voor sy dorsale vin is op 10 Maart 2015 deur Marine Dynamics gewaar.
Hennie Otto, skipper van Marine Dynamics, verduidelik: “Die besering is heel moontlik as gevolg van ‘n beoogde haai predasie op die dolfyn, wat misluk het. Ons weet nie of hierdie dier die besering sal oorleef nie, maar doen graag ‘n beroep op al ons vissermanne en bote wat ons area gebruik om asseblief op die uitkyk vir die dolfyn te wees.”
Indien die dolfyn gewaar word, kan Dyer Eiland Bewarings Trust in kennis gestel word, of kontak vir Hennie of Alouise by 082-907-5607, of stuur ‘n e-pos aan office@dict.org.za.
